ரிலையன்ஸ் ஜியோ பெடரல் வங்கியை வாங்கிவிட்டதாக பரவும் தகவல் - ஆர்.பி.ஐ ரூல்ஸ்சே தெரியாமல் அடித்துவிடும் அறிவாளிகள்..!

சமீபத்தில் வைரலாகி வரும் ஸ்கிரீன்ஷாட் ஒன்றில், ரிலையன்ஸ் ஜியோவின் ஊடக வெளியீட்டைப் போல ஒரு அறிக்கை இடம்பெற்றுள்ளது. அதில் அந்நிறுவனம் ஃபெடரல் வங்கியை 10 பில்லியன் அமெரிக்க டாலரில் வாங்கப் போவதாகக் கூறுகிறது.  "ரிலையன்ஸ் ஜியோ 10 பில்லியன் அமெரிக்க டாலர் மதிப்பீட்டில் பெடரல் வங்கியை கையகப்படுத்தல் மூலம் ஜியோ வங்கித் துறையில் நுழைகிறது" என்று கூறப்பட்டிருந்தது. 

மீதமுள்ள தகவலில் ரிலையன்ஸ் ஜியோ இன்போகாம் லிமிடெட் மற்றும் அதன் செயல்பாடுகள் பற்றிய விவரங்கள் குறிப்பிடப்பட்டுள்ளது. இந்த நிலையில், ரிலையன்ஸ் ஜியோ மற்றும் ஃபெடரல் வங்கி ஆகிய இரண்டும் வைரல் செய்தியை போலியானவை என்று மறுத்துள்ளன. மேலும், ஆர்பிஐ வழிகாட்டுதலின் கீழ், பெரிய கார்ப்பரேட் மற்றும் தொழில்துறை நிறுவனங்கள் வட்டி விதிமுறையின் காரணமாக சொந்தமாக வங்கியை வைத்திருக்க முடியாது என்பதை கருத்தில் கொள்ள வேண்டும்.

ரிலையன்ஸ் ஜியோ மற்றும் ஃபெடரல் வங்கியை அணுகி வைரல் செய்தியைப் பற்றி விசாரணை செய்யப்பட்டதில், அத்தகைய கையகப்படுத்தல் சாத்தியத்தை நிராகரித்தனர். மேலும், அத்தகைய கையகப்படுத்தல் பற்றி எந்த பத்திரிகை அறிக்கையும் வெளியிடவில்லை.

வங்கி ஒழுங்குமுறை சட்டம், 1949 ன் படி, இந்திய ரிசர்வ் வங்கி (RBI) கார்ப்பரேட் அல்லது தொழில்துறை நிறுவனங்கள் சொந்தமாக அல்லது வங்கியை நடத்த இன்றுவரை அனுமதி அளிக்கப்படவில்லை. 

கடந்த ஆண்டு நவம்பரில், ரிசர்வ் வங்கியின் உள் செயல்பாட்டுக் குழு, வங்கி உரிமையில் சில பெரிய மாற்றங்களை பரிந்துரைத்தது. வங்கி ஒழுங்குமுறைச் சட்டத்தைத் திருத்துவதன் மூலம் பெரிய பெருநிறுவன மற்றும் தொழில்துறை நிறுவனங்கள் வங்கிகளை சொந்தமாக்க அனுமதிப்பது இதில் அடங்கும். அப்படி இருந்தாலும், பெரிய கார்ப்பரேட் நிறுவனங்கள் வட்டி விதிமுறையின் காரணமாக வங்கியை சொந்தமாக்க முடியாது.

மேலும், வைரல் அறிவிப்பில் பல முரண்பாடுகளை நாங்கள் கண்டறிந்துள்ளோம், அவை கீழே விரிவாக விவாதிக்கப்பட்டுள்ளன. ரிலையன்ஸ் ஜியோவின் அசல் ஊடக வெளியீட்டை ஒப்பிட்டுப் பார்த்தால் வேறுபாடுகள் தெரியும்.

உண்மையான ஜியோ அறிக்கை:

போலி வைரல் அறிக்கை: