பாகிஸ்தானை தளமாகக் கொண்ட பயங்கரவாத அமைப்பான ஹர்கத்-உல்-முஜாஹிதீன், 1999 ஆம் ஆண்டு இந்தியன் ஏர்லைன்ஸ் விமானத்தை கடத்தியது. இது தொடர்பான ஒரு உண்மை தொடரை தான் netflix இந்தியா நிறுவனம் வலைத்தொடராக எடுத்து இருக்கிறது. மேலும் 'IC 814 - The Kandahar Hijack' என பெயர் கொண்ட வலைதொடர் தொடர்பான பெரும் சர்ச்சைக்கு மத்தியில் Netflix இந்தியாவின் தலைவர் அரசாங்கத்தால் அழைக்கப் பட்டுள்ளார். இது அனுபவ சின்ஹா மற்றும் த்ரிஷாந்த் ஸ்ரீவஸ்தவா ஆகியோரால் உருவாக்கப்பட்ட இந்த வெப் சீரிஸ், விமானத்தின் கேப்டன் தேவி சரண் மற்றும் பத்திரிகையாளர் ஸ்ரீஞ்சோய் சௌத்ரி, 'ஃப்ளைட் இன்டூ ஃபியர்: தி கேப்டனின் கதை' புத்தகத்தால் ஈர்க்கப்பட்டது. இதில் நசிருதீன் ஷா, விஜய் வர்மா மற்றும் பங்கஜ் கபூர் ஆகியோர் முக்கிய வேடங்களில் நடித்துள்ளனர்.
டிசம்பர் 24, 1999 அன்று இந்தியன் ஏர்லைன்ஸ் விமானம் 814 கடத்தப்பட்டதை வெப் சீரிஸ் விளக்குகின்றது. அந்த விமானம் 191 விமானிகளுடன் நேபாளத்தின் காத்மாண்டுவில் இருந்து புறப்பட்டு டெல்லி நோக்கிச் சென்றது. புறப்பட்ட சிறிது நேரத்திலேயே, பயணிகளாகக் காட்டிக் கொண்ட ஐந்து கடத்தல்காரர்கள், விமானத்தை தங்கள் கட்டுப்பாட்டிற்குள் கொண்டு வந்தனர். பின்னர் அது ஆப்கானிஸ்தானில் உள்ள காந்தஹாருக்கு கொண்டு செல்லப்படுவதற்கு முன்பு அமிர்தசரஸ், லாகூர் மற்றும் துபாய் ஆகிய இடங்களில் பல தரையிறக்கங்களைச் செய்தது. அப்போது பிரதமர் அடல் பிஹாரி வாஜ்பாய் தலைமையிலான அரசாங்கம், பணயக்கைதிகளை விடுவிப்பதற்காக இந்திய சிறைகளில் இருந்து மூன்று பயங்கரமான பயங்கரவாதிகளான மசூத் அசார், அகமது உமர் சயீத் ஷேக் மற்றும் முஷ்டாக் அகமது சர்கார் ஆகியோரை விடுவிக்க வேண்டிய கட்டாயம் ஏற்பட்டது.
கடத்தல்காரர்கள் மற்றும் விடுவிக்கப்பட்ட பயங்கரவாதிகள் பாகிஸ்தானை அடைய தலிபான் அதிகாரிகள் உதவியதாக தகவல்கள் தெரிவிக்கின்றன. உண்மையில் இந்த வெப் தொடரில் கடத்தல் காரர்களின் பெயர்களை பயன்படுத்தாமல் அதற்கு பதிலாக மாற்றுப் பெயர்களை பயன்படுத்தி இருக்கிறார்கள். இதில் என்ன? ஒரு சர்ச்சை என்றால், அந்த மாற்றுப் பெயர்கள் உண்மையான கடத்தல்காரர்களின் மத ரீதியாக இல்லாமல் மற்றொரு மத ரீதியில் இருக்கிறது. அதாவது இந்து பெயர்கள் பயன்படுத்தப்பட்டிருப்பது பெரும் சர்ச்சையை ஏற்படுத்தி இருக்கிறது.
Input & Image courtesy: News