வறுமையில் வாடும் மக்களை குறி வைத்து மதமாற்றம் - பள்ளி ஊழியர்கள் 4 பேர் கைது!

மத்தியப் பிரதேசத்தில் உள்ள ஒரு தனியார் பள்ளி ஊழியர்கள் அக்கம் பக்கத்தில் உள்ள ஏழை மக்களை மதமாற்றம் செய்வதாகவும், அவர்களின் மதத்தை இழிவுபடுத்துவதாகவும் ஒருவர் குற்றம் சாட்டியதை அடுத்து, வெறுப்புப் பேச்சுக் குற்றச்சாட்டின் பேரில் 4 பேர் கைது செய்யப்பட்டுள்ளனர்.

எவ்வாறாயினும், கடந்த ஆண்டு இயற்றப்பட்ட மத சுதந்திரச் சட்டத்தின் கீழ் இதுவரை குற்றம் சாட்டப்பட்டவர்கள் மீது போலீசார் வழக்கு பதிவு செய்யவில்லை. கிறிஸ்தவ மிஷனரிகள் நடத்தும் பள்ளிக்கு வந்து, தங்களது வறுமையை போக்க சிலர் அப்பகுதியைச் சுற்றி வருவதாக மகேந்திர நாத் என்பவர் அளித்த புகாரின் பேரில் போலீஸார் நடவடிக்கை எடுத்துள்ளனர்.

அந்த புகாரில், வறுமையை ஒழிப்பதற்காக பள்ளி நிர்வாகம் மக்களை கிறிஸ்தவ மதத்தை பின்பற்ற வைப்பதாக குற்றம் சாட்டினார். பள்ளி நிர்வாகமும் இந்து மதத்தை அவமதித்து வருகிறது என்று பைராகர் காவல் நிலையப் பொறுப்பாளர் டிபி சிங் கூறினார்.

எஃப்ஐஆர் பிரிவு 153A (மதம், இனம், பிறந்த இடம், குடியிருப்பு, மொழி ஆகியவற்றின் அடிப்படையில் வெவ்வேறு குழுக்களிடையே பகைமையை ஊக்குவிக்கும் வகையில்) கீழ் வழக்கு பதிவு செய்யப்பட்டுள்ளது. 

ஞாயிற்றுக்கிழமை அந்த வளாகத்திற்கு வந்த உள்ளூர் பாஜக எம்எல்ஏ ராமேஷ்வர் சர்மாவும் பள்ளி நிர்வாகம் மீது நடவடிக்கை எடுக்கக் கோரினார்.

Inputs From: Hindustan Times