PMAY மற்றும் PMSY திட்டத்தின் கீழ் கடன் வழங்க வங்கிகள் மறுப்பு தெரிவிக்க கூடாது!

பிரதான் மந்திரி அவாஸ் யோஜனா மற்றும் பிரதான் மந்திரி ஸ்வானிதி யோஜனா போன்ற மத்திய திட்டங்களின் கீழ் தகுதியான பயனாளிகளுக்கு கடன் வழங்குவதை தாமதப்படுத்த வேண்டாம் என்று கர்நாடக முதலமைச்சர் பி எஸ் எடியுரப்பா வியாழக்கிழமை வங்கிகளுக்கு அறிவுறுத்தினார்.

அங்குள்ள விதான் சவுதாவில் நடந்த கூட்டத்தில் வங்கிகள் மற்றும் அதிகாரிகளுடன் திட்டங்களின் முன்னேற்றம் குறித்து ஆய்வு செய்த முதல்வர், மாநிலத்தில் அவை செயல்படுத்தப்படுவது குறித்து அதிருப்தி தெரிவித்ததாக அதிகாரப்பூர்வ அறிக்கை தெரிவித்துள்ளது.

"இந்த இரண்டு திட்டங்களின் முன்னேற்றமும் கர்நாடகாவில் மற்ற மாநிலங்களுடன் ஒப்பிடும்போது தேக்க நிலையில் உள்ளது. இந்தத் திட்டங்களின் கீழ் கடன்களை வழங்குவதில் தாமதம் ஏற்படுவதைத் தவிர்க்க வங்கியாளர்கள் கவனம் செலுத்த வேண்டும்" என்று எடியூரப்பா மேற்கோளிட்டுள்ளார்.

PMAY மற்றும் PMSY ஆகியவை ஏழைகளின் நலனுக்காக பிரதமர் நரேந்திர மோடியால் அறிமுகப்படுத்தப்பட்ட லட்சிய திட்டங்கள் என்று அவர் சுட்டிக்காட்டினார். இத்திட்டங்களை செயல்படுத்த வங்கிகள் முன்னுரிமை அளிக்க வேண்டும் என்று முதல்வர் பரிந்துரைத்தார்.

பிரதான் மந்திரி அவாஸ் யோஜனா:

இந்தியாவில் அனைவருக்கும் வீடு வழங்கும் திட்டமான பிரதான் மந்திரி அவாஸ் யோஜனா திட்டம், கடந்த 2015 –ம் ஆண்டு தொடங்கப்பட்டது. இந்த திட்டத்தின் கீழ், 2022 ஆம் ஆண்டிற்குள் அனைவருக்கும் வீடு வழங்குவதே இதன் நோக்கமாகும். இந்த திட்டத்தின் மூலம் அனைவருக்கும் வீடுகளை வழங்குவதற்காக மாநிலங்கள் / யூனியன் பிரதேசங்கள் (யு.டி.க்கள்) மற்றும் மத்திய நோடல் ஏஜென்சிகள் (சி.என்.ஏக்கள்) மூலம் செயல்படுத்தும் நிறுவனங்களுக்கு மிஷன் மத்திய உதவியை வழங்குகிறது.