எல்லாமே டிஜிட்டல்! அனைத்திலும் வெளிப்படைத்தன்மை! அசத்தும் இந்திய தேர்தல் ஆணையம்!

தேர்தல் ஆணையம் வாக்காளரின் புகைப்பட அடையாள அட்டையை, மின்னணு வடிவத்தில் கிடைக்கச் செய்ய ஆர்வம் காட்டி வருகிறது. விமானத்தில் பயணம் செய்வதற்கு முன்னதாகவே பதிவிறக்கம் செய்யக்கூடிய மின்னணு போர்டிங் பாஸைப் போலவே, உங்கள் வாக்காளர் அடையாள அட்டையையும் விரைவில் உங்கள் தொலைபேசியில் எடுத்துச் செல்லலாம்.

தற்போது, வாக்காளரின் புகைப்பட அடையாள அட்டை அச்சிடப்பட்ட வடிவில் மட்டுமே கிடைக்கிறது. மேலும் தேர்தல் நாளில் வாக்காளர்கள், இந்த அடையாள அட்டை பெற முடியாவிட்டால், தேர்தல் ஆணையம் அனுமதித்த மாற்று புகைப்பட அடையாள ஆவணத்தைக் காட்டலாம்.

மின்னணு வடிவ வாக்காளர் அடையாள அட்டை வசதியைப் பெற, தகுதியான வாக்காளர் வாக்காளர் பட்டியலில் சேர விண்ணப்பிக்கும் நேரத்தில் தனது மொபைல் எண் அல்லது மின்னஞ்சல் முகவரியை தேர்தல் ஆணையத்திற்கு வழங்க வேண்டும்.

வாக்காளர் பட்டியலில் அவரது பெயர் சேர்க்கப்பட்டவுடன், அவர் ஒரு எஸ்எம்எஸ் அல்லது மின்னஞ்சல் மூலம் தெரிவிக்கப்படும். புதிய வாக்காளர் பின்னர் வாக்காளர் அட்டையை OTP (ஒன் டைம் கடவுச்சொல்) அங்கீகாரம் மூலம் பதிவிறக்கம் செய்யலாம்.

தற்போதுள்ள வாக்காளர்கள் தங்கள் விவரங்களை தேர்தல் ஆணையத்துடன் (வங்கி KYC செயல்முறையைப் போன்றது) சரிபார்க்க வேண்டும் மற்றும் மின்னணு வடிவத்தில் தங்கள் அட்டைகளைப் பெற அவர்களின் மின்னஞ்சல் அல்லது மொபைல் தொலைபேசி எண்ணை வழங்க வேண்டும்.

இது உறுதியானால் வரவுள்ள தமிழ்நாடு, கேரளா, புதுச்சேரி உள்ளிட்ட சட்டப்பேரவைத் தேர்தலுக்கு முன்னரே அதற்கான பணிகள் துவங்கி விடும் என கூறப்படுகிறது.

டிஜிட்டல் வடிவில் வாக்காளர் அடையாள அட்டைகளை மாற்றினால், தற்போது நடைமுறையில் உள்ள அட்டைகளை அச்சடிக்கும் செலவு குறையும். 2019 ஆம் ஆண்டு கணக்கெடுப்பின்படி நாட்டில் 91.1 கோடி பேர் வாக்களிக்கும் உரிமைக்கு தகுதி பெற்றுள்ளனர்.