நேபாள வெளியுறவுத்துறை அமைச்சர் இந்தியா வருகை - பேச்சுவார்த்தை ஆரம்பம்!
நேபாள வெளியுறவுத்துறை அமைச்சர் இந்தியா வருகை - பேச்சுவார்த்தை ஆரம்பம்!
இந்திய - நேபாள கூட்டு ஆணையத்தின் கீழ் இந்தியா மற்றும் நேபாளம் ஆகிய இரு நாடுகளின் இருதரப்பு உறவுகளில் பல்வேறு அம்சங்களை இந்திய வெளியுறவுத்துறை அமைச்சர் ஜெய்சங்கர் மற்றும் நேபாள வெளியுறவுத்துறை அமைச்சர் பிரதீப் குமார் காயாலி ஆகியோர் சந்தித்து வெள்ளிக்கிழமை பேச்சுவார்த்தை நடத்தினர்.
மூன்று நாள் பயணமாக வியாழக்கிழமை முதல் புது டெல்லிக்கு வந்த காயாலி, இந்திய-நேபாளத்தின் சமீபத்திய பிரச்சனைகளுக்கு பிறகு இந்தியாவிற்கு விஜயம் செய்த மிக மூத்த நேபாள அதிகாரி ஆவார்.
India and Nepal during the 6th meeting of the India-Nepal Joint Commission discussed several areas of cooperation including in the areas of connectivity, economy and trade, power, oil and gas, water resources, political and security issues, border management: MEA https://t.co/3TiyNvk4Lh
— ANI (@ANI) January 15, 2021
கடந்த மாதத்தில் நேபாள பிரதமர் கேபி ஓலி அந்த நாட்டு நாடாளுமன்றத்தை கலைத்து முன்கூட்டியே தேர்தலுக்கு அழைப்பு விடுத்துள்ளார். இந்தப் பெரிய அரசியல் கொந்தளிப்பு பிறகு நேபாளத்தை சேர்ந்த மூத்த அரசியல்வாதி இந்தியாவிற்கு வருகை தருவது இது முதல் முறையாகும்.
இந்திய வெளியுறவுத்துறை அமைச்சகத்தின் செய்தி தொடர்பாளர் அனுராக் ஸ்ரீவத்ஸாவாவின் கூற்றுப்படி, எல்லைப் பிரச்சினைகளைப் பற்றி இந்த கூட்டத்தில் பேச்சுவார்த்தை இருக்காது எனவும் JCM அமைப்பின் பேச்சுவார்த்தைகளும், எல்லை பிரச்சினைகளும் தனித்தனியான வழிமுறை என்று ஸ்ரீவத்சவா வியாழக்கிழமை ஊடகங்களுக்கு தெரிவித்தார்.
இருந்தாலும் காயலியின் வருகை நேபாளத்தில் ஒரு முக்கியமான நேரத்தில் வருகிறது. இந்தியா, நேபாளத்தில் அதிக அளவு செல்வாக்கு செலுத்தும் சீனா அந்நாட்டு உள்நாட்டு விவகாரங்களில் தலையிட முயற்சிப்பதாக கவலை கொள்கிறது. இந்தியா நேபாளத்தை தன்னுடைய மிக நெருக்கமான கூட்டாளியாக கருதுகிறது. இந்தியாவின் செல்வாக்கு மண்டலத்தில் சீனாவின் ஊடுருவல் குறித்து கவலை அடைந்துள்ளது.