ஒரு பைசா கூட வீண் போகவில்லை! 74.3 சதவீத பயணிகளுக்கு ரூ 3,200 கோடியை திருப்பி அளிக்கப்பட்டது!

இந்த ஆண்டு தொடக்கத்தில் கொரோனா தாக்கம் காரணமாக விமானங்கள் ரத்து செய்யப்பட்ட பின்னர், 74.3 சதவீத பயணிகளுக்கு ரூ .3,200 கோடியை திருப்பி அளித்துள்ளதாக சிவில் விமான போக்குவரத்து அமைச்சகம் வெள்ளிக்கிழமை தெரிவித்துள்ளது.

மார்ச் 25 முதல் மே 24 வரை ரத்து செய்யப்பட்ட விமான டிக்கெட்டுகளுக்கு முழு பணத்தைத் திரும்பப் தர வேண்டும் என்று உச்ச நீதிமன்றம் அக்டோபர் 1 ம் தேதி கூறியது. இந்த காலகட்டத்தில் நாட்டில் திட்டமிடப்பட்ட உள்நாட்டு மற்றும் சர்வதேச பயணிகள் விமானங்கள் எதுவும் இயக்கப்படவில்லை.

"டிக்கெட் திருப்பிச் செலுத்துதல் தொடர்பான உச்சநீதிமன்றத்தின் உத்தரவுக்கு இணங்க, மொத்தம் 55,23,940 பி.என்.ஆர்களில் 74.3% பேருக்கு ரூ .3,200 கோடி திரும்ப செலுத்தப்பட்டுள்ளது. மீதமுள்ளவை இன்னும் செயல்பாட்டில் உள்ளன" என்று அமைச்சகம் ட்வீட் செய்தது.

"219 கோடி ரூபாய் மதிப்புள்ள மொத்தம் 2,06,119 கிரெடிட் ஷெல்கள் பயணிகளின் ஒப்புதலுடன் விமான நிறுவனங்களால் உருவாக்கப்பட்டன. MoCA தொடர்ந்து நிலைமையை கண்காணித்து வருகிறது" என்று அது கூறியுள்ளது.

நீதிமன்ற உத்தரவின் அடிப்படையில், அக்டோபர் 8 ம் தேதி விமான ஒழுங்குமுறை டி.ஜி.சி.ஏ பயணிகளை மூன்று பிரிவுகளாக வகைப்படுத்தியது. மார்ச் 25 முதல் மே 24 வரை டிக்கெட் முன்பதிவு செய்தவர்கள், அதே காலகட்டத்தில் பயணிக்க, மார்ச் 25 க்கு முன்னர் டிக்கெட் முன்பதிவு செய்தவர்கள் என வகைபடுத்தியது.

முன் கூட்டியே பதிவு செய்த பயணிகளுக்கு ரத்து செய்யப்பட்ட டிக்கெட்டுகளுக்கு சம்பந்தப்பட்ட விமான நிறுவனம் முழு பணத்தைத் திரும்பப் தர வேண்டும் என்று உத்தரவிடப்பட்டுள்ளது.