RSS தலைமையகத்திற்கு வெடிகுண்டு மிரட்டல் விடுத்த தமிழக இளைஞர் ஜிகாதி மனநிலை கொண்டவர் - போலீஸ் பகீர் தகவல்!

லக்னோ, கோண்டா மற்றும் கர்நாடகாவின் 4 இடங்களில் உள்ள ஆர்எஸ்எஸ் அலுவலகங்களை வெடி வைத்து தகர்க்கப் போவதாக மிரட்டல் விடுத்ததற்காக ஜூன் 7ஆம் தேதி கைது செய்யப்பட்ட தமிழக இளைஞர் ராஜ் முகமது, இஸ்லாமிய போதகர் ஜாகிர் நாயக்கின் பேச்சால் ஈர்க்கப்பட்டவர் என்று உபி போலீஸ் அதிகாரிகள் தெரிவித்தனர். விசாரணையில் உ.பி.யில் கியான்வாபி விவகாரம் மற்றும் கர்நாடகாவில் ஹிஜாப் விவகாரம் குறித்த சர்ச்சைக்காக ஆர்எஸ்எஸ் தலைமையகத்தை தகர்க்கப்போவதாக அவர் மிரட்டியிருப்பது தெரிய வந்துள்ளது. 

டைம்ஸ் ஆஃப் இந்தியாவின் அறிக்கையின்படி , ராஜ் முகமது தீவிரமான இளைஞராக இருந்தார். அவர் ஜிஹாதி இலக்கியங்களை படித்துள்ளார். அவரது கைப்பேசியில் தடயவியல் பரிசோதனை நடத்தப்பட்டது. லெபனான் மற்றும் சிரியாவில் உள்ள சில சந்தேகத்திற்கிடமான குழுக்களுடன் ராஜ் முகமது தொடர்பில் இருந்ததை  சைபர் பிரிவு அதிகாரிகள் கண்டுபிடித்தனர்

கர்நாடகா மற்றும் உ.பி., மாநிலங்களில் வெடிகுண்டுகளை வைப்பதாக ஏன் மிரட்டினார் என்று கேட்டதற்கு, கர்நாடக பள்ளிகளில் முஸ்லிம் பெண்கள் ஹிஜாப் அணிய அனுமதிக்கப்படவில்லை என்று குற்றம் சாட்டப்பட்டவர் கோபமடைந்ததாக அதிகாரிகள் தெரிவித்தனர். உத்தரபிரதேசத்தில் ஞானவாபி பிரச்சினையால் அவர் மேலும் தீவிரமடைந்தார்.

மிரட்டல் செய்தி அனுப்புவதற்கு முன்பு, ஆர்எஸ்எஸ் அமைப்பிற்கான இடங்கள் மற்றும் அலுவலகங்களை அடையாளம் காண இணையத்தைப் பயன்படுத்தியதாக ராஜ் முகமது அதிகாரிகளிடம் கூறினார். 

குற்றம் சாட்டப்பட்டவர்களுடன் அடிக்கடி தொடர்பில் இருந்த மற்ற அனைத்து தொடர்புகளும் கண்டுபிடிக்கப்பட்டு வருகின்றன. இதுவரை நடத்தப்பட்ட விசாரணைகளில், 2018 முதல் 2021 வரை, குற்றம் சாட்டப்பட்ட ராஜ் முகமது பாப்புலர் ஃப்ரண்ட் ஆஃப் இந்தியாவின் உறுப்பினராகவும் இருந்தார் என்பது தெரியவந்துள்ளது. 

Input From: Opindia 

In