5 மாநிலங்களில் இருந்து டெல்லி வருபவர்களுக்கு கட்டுப்பாடு.!

நாடு முழுவதும் கொரோனா தொற்று குறைந்து வரும் நிலையில், கடந்த சில வாரங்களாக மகாராஷ்டிரா, பஞ்சாப் உள்ளிட்ட மாநிலங்களில் கொரோனா தொற்று மிக வேகமாக பரவி வருகிறது. அதே போன்று கேரளாவில் தொற்று அதிகரித்து காணப்படுகிறது. இதன் காரணமாக கொரோனா வைரஸ் அதிகரிக்கும் மாநிலங்களில் மீண்டும் கட்டுப்பாடுகள் அதிகரிக்கப்பட்டுள்ளது.

இந்நிலையில், கொரோனா வைரஸ் தொற்று அச்சுறுத்ததை கணக்கில் கொண்டு, 5 மாநிலங்களில் இருந்து டெல்லி வருபவர்களுக்கு கொரோனா நெகட்டிவ் சான்றிதழ் கட்டாயம் என்று அறிவிக்கப்பட உள்ளது.

இத்தகவலை டெல்லி மாநில மூத்த அதிகாரி ஒருவர் கூறியுள்ளார். விரைவில் இது பற்றி அதிகாரப்பூர்வ அறிவிப்பு வெளியாகும் என கூறப்பட்டுள்ளது.
இந்த பட்டியலில் மகாராஷ்டிரா, கேரளா, பஞ்சாப், மற்றும் மத்தியப் பிரதேசம், சட்டீஸ்கர் உள்ளிட்ட 5 மாநிலங்கள் அடங்கும் என கூறப்பட்டுள்ளது.