பாகிஸ்தான் பெறும் கடன் அனைத்தும் ராணுவ உயரதிகாரிகள் கைகளுக்கே போய் சேருகிறது - IMF பகீர் தகவல்!

இலங்கை கடந்த ஆண்டு பொருளாதார நெருக்கடியால் கடுமையாக பாதிக்கப்பட்டது. ஆனால் அதிர்ஷ்டவசமாக, அண்டை நாடுகள் அவர்களை காப்பாற்றியது. தற்போது பாகிஸ்தானும் பெரும் சிக்கலில் சிக்கியுள்ளது.

கோதுமை, பால் பொருட்கள், ரொட்டி உள்ளிட்ட உணவுப் பொருட்களுக்கு தட்டுப்பாடு ஏற்பட்டு, அவற்றின் விலையும் உயர்ந்து வருகிறது. கூடுதலாக, பணவீக்க நெருக்கடி மற்றும் எரிசக்தி பற்றாக்குறை உள்ளது. இது மின் உற்பத்தியில் சிக்கல்களை ஏற்படுத்துகிறது. மேலும், அந்நியச் செலாவணி கையிருப்பு குறைவாக இருப்பதால் பாகிஸ்தானும் பண நெருக்கடியில் உள்ளது.

இந்த குழப்பத்தில் இருந்து விடுபட, பாகிஸ்தான் சர்வதேச அமைப்புகளின் உதவியை நாடியுள்ளது. ஐக்கிய அரபு எமிரேட்ஸ் பாகிஸ்தானுக்கு நிறைய பணம் கடனாக வழங்க முன்வந்துள்ளது. 

சர்வதேச நாணய நிதியத்திடம் இருந்து கடன் பெற பாகிஸ்தான் அரசு முயற்சித்து வருகிறது. ஆனால் அந்த அமைப்பு அதன் கடன் மேலாண்மை திட்டத்தை நிராகரித்துள்ளது. இது வரவிருக்கும் தேர்தலில் எதிர்மறையான விளைவை ஏற்படுத்தும் என்று பிரதமர் ஷெபாஸ் கூறுகிறார்.

பாகிஸ்தான் பெற கூடிய நிதி உதவி அனைத்தும் பாகிஸ்தானின் ராணுவ உயரதிகாரிகளின் கைக்கே போய் சேருகிறது என ஐ.எம்.எப். குறிப்பிட்டு உள்ளது. தொடர்ந்து அதன் எதிரொலியாக அந்த திட்டம் நிராகரிக்கப்பட்டு உள்ளது என தகவல் தெரிவிக்கின்றது.

Input From: DTnext