பாரத பிரதமர் நரேந்திர மோடி மீது பொய்யான தகவல்களை பரப்ப முயன்ற காங்கிரஸ் MLA.!

பாரத பிரதமர் நரேந்திர மோடியை விமர்சித்து காங்கிரஸ் MLA ஜிது பட்வாரி பொய்யான தகவலை டுவிட்டரில் பரப்ப முயன்று நெட்டிசன்களின் ஆத்திரத்திற்கு ஆளாகி இருக்கிறார். ஆகஸ்ட் 1 ஆம் தேதி டிவிட்செய்த காங்கிரஸ் MLA ஜிது பட்வாரி, நரேந்திர மோடி அவர்கள் ரயில்வே துறை தனியார் நிர்வாகத்துக்கு விற்கப்படும்போது ஆடம்பர விமானத்தில் பயணம் செய்கிறார் என்று குறிப்பிட்டிருந்தார்.

விமானத்தின் புகைப்படம் ஒன்றை வெளியிட்டு விமானத்தின் உட்புறத்தில் அமைப்பு பிரதமர் நரேந்திர மோடியின் விமானத்தின் உட்புறங்களை காட்டுகிறது என்றார். ஒரு விமானத்தின் ஆடம்பர கேபின் புகைப்படத்தை வெளியிட்ட ஜிது பட்வாரி, "பிரதமர் மோடி தேயிலை விற்பனையாளர் பின்னணியில் இருந்து வந்தாலும், நாம் அவருக்கு சிறந்த வசதிகளை வழங்கினால் மட்டுமே அவர் இந்தியாவை சிறந்த நாடாக உருவாக்குவார் போலும்" என விமர்சித்தார்.

டிவிட்டரில் வெளியான படம் ஆடம்பர விமானத்தின் தோற்றத்தை கொண்டிருந்தாலும், இணையத்தில் அதைப்பற்றி தேடிப் பார்த்த போது காங்கிரஸ் தலைவரின் பொய்களை வெளிப்பட்டுள்ளன. பிரதமர் நரேந்திர மோடி அவர்கள் ஆடம்பர விமானத்தில் பறக்கிறார் என குறிப்பிடப்பட்ட விமானமானது, ஒரு Deer Jet விமான நிறுவனத்தின் வலைத்தளத்திலிருந்து எடுக்கப்பட்டது. 2016 இல் அறிமுகப்படுத்தப்பட்ட இந்த ஜெட்விமானம் 787 டிரீம் ஜெட், போயிங் 787 டிரீம் லைனர் வகை விமானத்தைத் காட்டுகிறது.

இந்த விமானம் ஒரு ஆடம்பர வணிக ஜெட் விமான சேவையை வழங்கும் விதத்தில் உருவாக்கியுள்ளனர். இது தனியாருக்கு சொந்தமான போயிங் 787 விமானம் ஆகும்.

பிரதமர் நரேந்திர மோடி அவர்களால் பயன்படுத்தப்படும் போயிங் 747விமானம் ஆனது பிரதமர் மற்றும் VVIP கள் பயன்படுத்த ஏர் இந்தியா இயக்கி வரும் 747 போயிங் விமானம் மட்டுமே. இந்திய பிரதமர் தனது சர்வதேச பயணத்திற்காக ஏர் இந்தியாவால் இயக்கப்படும் போயிங் 747 விமானத்தையே பயன்படுத்துகிறார். போயிங் 747 விமானம் ஏர்-இந்தியா ஒன்று என அழைக்கப்படுகின்றது. பிரதமர் மோடி அவர்கள் விமானத்தில் பயணிக்கும் போது AIC001 அழைப்பு அடையாளத்துடன் இயக்கப்படுகிறது.