ஸ்டெர்லைட் ஆலைக்கு எதிராக போராடிவிட்டு - ஸ்டெர்லைட் நிர்வாகத்திடம் தசமபாகம் கேட்ட பாதிரியார்கள்! வெளிவரும் பரபர தகவல்கள்

ஸ்டெர்லைட் ஆலை போராட்டத்தில் பாதிரியார்கள் போராட்டத்தை தூண்டி விட்டுட்டு, ஸ்டெர்லைட் ஆலையிடம் டீல் பேசிய விவகாரம் தற்போது வெளியில் வந்து பரபரப்பை ஏற்படுத்தியுள்ளது.

லண்டனைத் தலைமையிடமாகக் கொண்டு செயல்படும் வேதாந்தா, தூத்துக்குடியில் 1997-ல் ரூ.3,000 கோடி மதிப்பீட்டில் தூத்துக்குடியில் ஸ்டெர்லைட் தாமிர உருக்காலையைத் தொடங்கி, கடந்த 21 ஆண்டாக இயங்கி வந்தது. ஆண்டுக்கு சுமார் 4 லட்சம் டன் உற்பத்தித்திறனுடைய இந்த ஆலை, இது போக, தூத்துக்குடி துறைமுக வருவாயில் 12 சதவிகிதத்தையும், சல்பியூரிக் ஆசிட் தேவையைப் பூர்த்தி செய்வதில் 95% கொண்ட முக்கிய நிறுவனமாகவும் ஸ்டெர்லைட் ஆலை இருந்தது. தற்போது ஆலை மூடப்பட்டுள்ளதால், 18 ஆண்டுகளுக்குப் பிறகு முதல்முறையாக இந்தியா தாமிரத்தை இறக்குமதி செய்துள்ளது. இந்தியாவில் தாமிர உற்பத்தியில் முன்னணி நிறுவனங்களாக இருந்தவை வேதாந்தாவின் ஸ்டெர்லைட் ஆலையும், பிர்லா குழுமத்தின் ஹிண்டால்கோ ஆலைகளும்தான்.

உலகிலேயே ஏழாவது மிகப்பெரிய தாமிர உருக்காலையாக இருந்தது. கடந்த 15 ஆண்டுக்கும் மேலான சட்டப் போராட்டம், மக்கள் போராட்டமும் இணைந்து இந்தியாவில் சக்தி வாய்ந்த ஒரு தொழில் குழுமத்தின், உலகின் மிகப் பெரிய ஆலையை இழுத்து மூட வைத்துள்ளது. இப்பொழுது ஸ்டெர்லைட் ஆலை மூடப்பட்டுள்ளதால், தேவையைவிட உற்பத்தி குறைந்துள்ளது. ஸ்டெர்லைட் ஆலையின் நேரடியாக 5,000 பேரும், மறைமுகமாக 12,000 தொழிலாளர்களும் வேலைவாய்ப்பைப் பெற்றுவந்தனர். இது தவிர, 10,000-க்கும் மேற்பட்ட ஒப்பந்தத் தொழிலாளர்களும் வேலைவாய்ப்பு பெற்றுவந்தனர். ஆலையை நம்பி தினசரி 800 முதல் 1,000 லாரிகள் வரை இயங்கி வந்தன.

தூத்துக்குடி துறைமுகத்தின் மொத்த சரக்கு கையாளுதலில் 20 - 25% ஸ்டெர்லைட் ஆலைக்கான காப்பர் சான்ட்தான். ஆஸ்திரேலியாவில் இருந்து ஆண்டுக்கு சுமார் 25 லட்சம் டன் காப்பர் சான்ட் இறக்குமதி செய்யப்பட்டு வந்தது. தமிழகத்துக்கு ஒரு வருடத்துக்கு செலுத்தப்படும் வரிகளின் மொத்த மதிப்பு ரூ.1,400 கோடி. 2017-2018-ம் நிதியாண்டில் இந்தியாவின் காப்பர் ஏற்றமதி 419 கிலோ டன்னாக இருந்த நிலையில், தற்போது 2022-ம் நிதியாண்டில் 87 கிலோ டன்னாகக் குறைந்துள்ளது.