9 பேர் காவல்துறை கட்டுப்பாட்டில் மரணம், முதலமைச்சர் பதவியை துறந்துவிடுங்கள்- ஸ்டாலினுக்கு சாடும் அர்ஜூன் சம்பத்!
இந்து மக்கள் கட்சி நிறுவனர் அர்ஜூன் சம்பத் வெளியிட்டுள்ள அறிக்கையில் கூறியிருப்பதாவது: தி.மு.க. ஆட்சியில் தொடர்ந்து காவல்துறை விசாரணை, மற்றும் பாதுகாப்பில் கைதிகளின் மரணங்கள் அதிகரித்து வரும் நிலையில், நேற்று (ஜூன் 12) திருவள்ளூர் மாவட்டம் அலமாதி பகுதியைச் சேர்ந்த ராஜசேகர் என்பவர் கொடுங்கையூர் காவல்நிலையத்தில் விசாரணையின் போது மரணமடைந்துள்ளார். இந்த சம்பவத்தை இந்து மக்கள் கட்சி வன்மையாக கண்டிக்கிறது.
விடியல் தருகிறேன் என கோடிகளில் விளம்பரம் செய்து மக்களை ஏமாற்றி ஆட்சி பீடத்தை கைப்பற்றிய முதுலமைச்சர் மு.க.ஸ்டாலின் ஆட்சியில் காவல்துறை கட்டுப்பாட்டில் கைதிகள் மரணமடைவது தொடர்கதையாகி வருகிறது.
2021 ஜூலை 7ம் தேதி கோவை மாவட்டம், கருமத்தம்பட்டி காவல் நிலையத்தில் 45 வயதுடைய பிரசாத் உயிரிழந்தார்.
2021 ஆகஸ்ட் 24ம் தேதி தஞ்சாவூர் மாவட்டம் மேற்கு காவல் நிலையத்தில் 35 வயதுடைய சரவணன் உயிரிழந்தார்.
2021 செப்டம்பர் 4ம் தேதி நாமக்கல் மாவட்டம் பரமத்தி வேலூர் காவல் நிலையத்தில் 42 வயதுடைய மணிகண்டன் உயிரிழந்தார்.
2021 டிசம்பர் 12ம் தேதி ராமநாதபுரம் மாவட்டம் கீழத்தூவல் காவல் நிலையத்தில் 19 வயதுடைய மணிகண்டன் உயிரிழந்தார்.
9 பேர் இதுவரை காவல்துறை கட்டுப்பாட்டில் மரணமடைந்துள்ளனர்! உங்களால் காவல்துறை மற்றும் பிற அதிகாரிகளை கட்டுக்குள் வைத்திருக்க முடியவில்லை எனில் முதல்வர் பதவியை துறந்துவிடுங்கள் திரு.மு.க.ஸ்டாலின் அவர்களே!@mkstalin pic.twitter.com/SJuaQSW4YJ
— Arjun Sampath (@imkarjunsampath) June 13, 2022
2022 ஜனவரி 13ம் தேதி நாமக்கல் மாவட்டம் கிளைச்சிறை காவல் நிலையத்தில் 45 வயதுடைய பிரபாகரன் உயிரிழந்தார்.