முடிவெடுக்க வேண்டிய கட்டாயத்தில் அ.தி.மு.க! கடைசி நேரத்தில் பா.ம.க அடித்த ட்விஸ்ட்!

கூட்டணியில் இருந்து பாமக வெளியேறியதை அதிமுக உறுதி செய்துள்ளது. வரவிருக்கும் நகர்ப்புற உள்ளாட்சித் தேர்தலைக் கருத்தில் கொண்டு பாமகவை கூட்டணியில் வைத்திருக்க விரும்பிய அதிமுக, பாமக தலைவர்களின் சமீபத்திய கருத்துக்களால் முடிவெடுக்க வேண்டிய கட்டாயத்தில் இருப்பதாக நம்பப்படுகிறது.

அதிமுக தலைமையிலான கூட்டணியில் பாமக இன்னும் அங்கம் வகிக்கிறதா என்று சேலத்தில் நிருபர்களின் கேள்விக்கு பதிலளித்த அதிமுக இணை ஒருங்கிணைப்பாளர் எடப்பாடி கே.பழனிசாமி, "கிராமப்புற உள்ளாட்சித் தேர்தலின்போது கூட்டணியில் இருந்து விலகிவிட்டதாக பாமக ஏற்கனவே கூறியுள்ளது என்றார். ஆனால், அதிமுக ஒருங்கிணைப்பாளர் ஓ பன்னீர்செல்வம் இதுவரை இது குறித்து எதுவும் கூறவில்லை

கூட்டணிக் கட்சிகளின் துரோகத்தால் தேர்தலில் பாமக அதிக இடங்களில் வெற்றி பெறவில்லை என்று பாமக நிறுவனர் ராமதாஸ் சமீபத்தில் கூறியதை நிருபர்கள் குறிப்பிடுகையில், "அந்த கட்சிக்கு செய்த துரோகம் என்ன என்பதை பாமக தெளிவுபடுத்தட்டும்" என்று பழனிசாமி கூறினார்.

பா.ம.க.வை கிண்டலடித்த பழனிசாமி மேலும் கூறியதாவது, தேர்தலில் வாக்களிப்பவர்கள் ஒரு கட்சிக்கு ஆதரவாகவோ அல்லது எதிராகவோ வாக்களிப்பார்கள். அதனை முடிவு செய்வது நீங்களும் நானும் அல்ல. ஒவ்வொரு தேர்தலுக்கும் கூட்டணியை மாற்றுவது பாமகவின் வழக்கம் என்று கூறிய பழனிசாமி, அது அவர்களின் வழக்கம்" என்றார்.

செப்டம்பர் மாதம் வேட்புமனு தாக்கல் தொடங்குவதற்கு சில மணி நேரங்களுக்கு முன்பு கிராமப்புற உள்ளாட்சி அமைப்புகளுக்கான தேர்தலில் பாமக தனித்து போட்டியிட முடிவு செய்தது. அதிமுக செய்தித் தொடர்பாளர் டி ஜெயக்குமார் அதற்கு கடுமையாக விமர்சனம் செய்தார். தனியாகப் போட்டியிட முடிவு செய்வதன் மூலம் பாமக தோல்வியடையும்; யாருடைய அழுத்தத்தின் கீழ் பாமக இப்படி ஒரு நிலைப்பாட்டை எடுத்தது என்று தெரியவில்லை. பாமகவின் இந்த முடிவு அக்கட்சியையும் அதிமுகவையும் பாதிக்கும் என அரசியல் ஆர்வலர்கள் கருத்து தெரிவித்துள்ளனர்.