மே.வங்காளம்: வீட்டு வேலை செய்யும் பணிப்பெண்ணை வேட்பாளராக அறிவித்த பா.ஜ.க!

மேற்கு வங்காளம், அசாம், தமிழ்நாடு, கேரளா உள்ளிட்ட மாநில சட்டசபைத் தேர்தல்களும், புதுச்சேரி தேர்தலும் ஏப்ரல் 6 முதல் தொடங்க உள்ளன. சமுதாயத்தின் பல்வேறு பிரிவுகளில் இருந்து தகுதியான நபர்களை வேட்பாளர்களாக களம் இருக்க பா.ஜ.க பெரும் முனைப்பு காட்டி வருகிறது.

அதன் வேட்பாளர்களின் பின்புலம், வரலாறு ஆகியவையே தலைப்புச் செய்திகளில் அடிபடுகின்றன. இந்நிலையில் மேற்கு வங்காளத்தில் பர்த்வான் கிழக்கில், ஆஷாகிராமிலிருந்து வீட்டு வேலை செய்யும் பணிப்பெண் கலித்தா மாஜி, கெருவ ஷிபிர தொகுதியின் பா.ஜ.க சட்டமன்ற வேட்பாளராக அறிவிக்கப்பட்டுள்ளது பரபரப்பை ஏற்படுத்தியுள்ளது. 

வியாழக்கிழமை அன்று இவர் வேட்பாளராக அறிவிக்கப்பட்டுள்ள நிலையில், சட்டமன்ற தேர்தலுக்கான பணிகள் தொடங்கப்பட்டுள்ளன. பர்த்வான் கிழக்கு மாவட்டத்தில் உள்ள ஆஷாகிராமம் சட்டமன்ற தொகுதியில் தனித் தொகுதி பா.ஜ.க வேட்பாளராக கலிதா மாஜி அறிவிக்கப்பட்டுள்ளார்.

குஸ்காரா புர் பகுதியின் வார்டு எண் 3 இல் வசிக்கும் கலிதா, வீட்டு வேலை செய்யும் பணிப்பெண்ணாக பணிபுரிகிறார். அவர் வேட்பாளராக அறிவிக்கப்பட்ட பிறகு, தான் வேலை செய்யும் வீடுகளுக்குச் சென்று தனக்கு ஒன்றரை மாத விடுமுறை கொடுங்கள் என்று கேட்டுக்கொண்டுள்ளார். அதற்கு பிறகு அவர் பா.ஜ.க வேட்பாளரின் உள்ளூர் கட்சி அலுவலகத்துக்கு சென்றார். கட்சி தொண்டர்கள் அவரை வரவேற்றனர். இது செய்திகளில் பெரும் பரபரப்பை ஏற்படுத்தியுள்ளது.