அவமதிக்கும் மம்தா பானர்ஜி - காலி ஆகும் தலைவர்கள் கூடாரம்?

 தன்னைச் சுற்றி ஒரு கும்பலை சேர்த்துக்கொண்டு எந்தவித களப்பணியும் செய்யாத இளைஞர்களின் பேச்சுக்களை எல்லாம் மூத்த அமைச்சர்களும், மக்கள் ஆதரவு பெற்ற தலைவர்களும் அடிபணிந்து நடக்க வேண்டும் என்று எதிர்பார்ப்பது பலருடைய கோபத்திற்கும் தூண்டியுள்ளது.

 மம்தா பானர்ஜியிடம் மோசமான நடவடிக்கைகள் இருந்தாலு,ம் அவர் இடதுசாரி அரசாங்கத்தை கடுமையாக போராடி வீழ்த்தினார் என்பது மறுக்க முடியாத ஒன்று. அவர் தன்னுடைய போராட்ட குணத்தினால் வெற்றியினால் அந்த மரியாதையை பெற்றுள்ளார். அபிஷேக் பானர்ஜி அப்படி எந்த குறிப்பிடத்தகுந்த சாதனைகளை நடத்தாத பட்சத்தில் வரம்பு மீறிய அதிகாரங்களை செலுத்துவது கட்சியில் பலரையும் எரிச்சலடைய வைத்திருக்கிறது. 

 மம்தா பானர்ஜியின் ஆதரவு இல்லாவிட்டாலும் தேர்தலில் வெற்றி பெறும் அளவுக்கு செல்வாக்கு உடைய தலைவர்கள் அவமானங்களை பொறுத்துக் கொள்ள முடியாமல் திரும்பி வருவதாக கூறப்படுகிறது.

 உதாரணமாக சுவெந்து ஆதிகாரி. மிட்னாபூர் இல் மிகுந்த செல்வாக்கு உடைய தலைவர். நந்திகிராம் போராட்டத்திற்கு, மம்தா பானர்ஜிக்கு ஆதரவை வழங்கி அப்பகுதிகளில் அவர் வெற்றி பெற முக்கியமான காரணமாக இருந்தவர். தற்போது அபிஷேக் பச்சன் பானர்ஜியின் வளர்ந்து வரும் செல்வாக்கினால் தான் ஓரம் கட்ட படுவதாக கருதும் ஆதிகாரி தனது போக்குவரத்து அமைச்சர் பதவியிலிருந்து ராஜினாமா செய்துள்ளார். அவருடைய தந்தை மற்றும் சகோதர இருவருமே எம்பிக்கள். தெற்கு வங்காளத்தின் மூன்று, நான்கு மாவட்டங்களில் இவர்களுக்கு மிகுந்த செல்வாக்கு இருப்பதாகவும் கூறப்படுகிறது. 

 அவர்கள் பா.ஜ.கவில் விரைவில் சேர்வார்கள் என்ற வதந்தி பரவி வந்தாலும் இன்னும் அந்த செய்தி வரவில்ல.  இவரை சமாதானப்படுத்த பிரசாந்த் கிஷோரை அனுப்பிவைத்தார் மம்தா பானர்ஜி. ஆனால் முடிவு என்ன பலனையும் அளிக்கவில்லை. 

 மம்தா பானர்ஜியின் அவமானங்களும், அபிஷேக் பானர்ஜியின் வரம்பு மீறிய அதிகாரங்களும் அக்கட்சியிலிருந்து பலரை வெளியேற்றி கொண்டிருக்கிறது சட்டமன்ற தேர்தலுக்கு முன்னால் பலரும் அக்கட்சியிலிருந்து வெளியேறி பா.ஜ.கவிற்கு செல்வார்கள் அல்லது சுயேட்சையாக கூட போட்டியிடலாம் என்ற கருத்து நிலவுகிறது. 

Courtesy: Swarajya