இந்தியாவில் 6.57% குறைந்துள்ள வேலையின்மை விகிதம்: CMIE தகவல்!

தற்போது நிலவரப்படி இந்தியாவில் வேலையின்மை விகிதம் ஜனவரியில் 6.57 சதவீதமாகக் குறைந்துள்ளது. இது மார்ச் 2021 க்குப் பிறகு மிகக் குறைவு, ஓமிக்ரான் வைரஸ் பரவலின் சரிவைத் தொடர்ந்து கட்டுப்பாடுகளை தளர்த்துவதன் மூலம் நாடு படிப்படியாக மீண்டு வருவதாக இந்திய பொருளாதார கண்காணிப்பு மையம் (CMIE) தெரிவித்துள்ளது. "இந்தியாவின் நகர்ப்புறங்களில் வேலையின்மை ஜனவரியில் 8.16 சதவீதமாக இருந்தது. இது கிராமப்புறங்களில் 5.84 சதவீதமாகவும் இருந்தது. டிசம்பரில் வேலையின்மை விகிதம் 7.91 சதவீதமாகவும், நகர்ப்புறங்களில் 9.30 சதவீதமாகவும், கிராமப்புறங்களில் 7.28 சதவீதமாகவும் இருந்தது" CMIE கூறியது.

தெலுங்கானாவில் ஜனவரியில் மிகக் குறைந்த வேலையின்மை விகிதத்தை 0.7 சதவீதமாக அறிவித்தது. அதைத் தொடர்ந்து குஜராத் (1.2 சதவீதம்), மேகாலயா (1.5 சதவீதம்) மற்றும் ஒடிசா (1.8 சதவீதம்) உள்ளன. இருப்பினும், ஹரியானாவில் வேலையின்மை விகிதம் 23.4 சதவீதமாகவும், ராஜஸ்தானில் 18.9 சதவீதமாகவும் உள்ளது. டிசம்பர் 2021 நிலவரப்படி மொத்தமாக இந்தியாவில் வேலையில்லாதவர்களின் எண்ணிக்கை 53 மில்லியனாக இருப்பதாக CMIE மதிப்பிட்டுள்ளது. அவர்களில் பெரும்பாலோர் பெண்கள் என்றும் புள்ளி விவரம் கூறுகிறது.

CMIE MD மற்றும் CEO மகேஷ் வியாஸ் இதுபற்றி கூறுகையில், "டிசம்பர் தரவுகளின் பகுப்பாய்வில், 2021 டிசம்பரில் 35 மில்லியன் மக்கள் தீவிரமாக வேலை தேடுகிறார்கள். அதில் 23 சதவீதம் அல்லது 8 மில்லியன் பேர் பெண்கள். கூடுதலாக 17 மில்லியன் பேருக்கு வேலை வழங்கப்பட்டு உள்ளது. வேலை கிடைத்தால் வேலை செய்யத் தயாராக இருப்பதும் சமமான முக்கியமான சவாலாக உள்ளது. இருப்பினும் இப்பொழுது பெரும்பாலான அவர்கள் வேலைவாய்ப்பைத் தேடவில்லை" என்று வியாஸ் மேலும் கூறினார். 

Input & Image courtesy: India Today