அடுத்த 3 வாரங்கள் மிக முக்கியம்: எச்சரிக்கை விடுத்த மத்திய ஆராய்ச்சி மைய இயக்குனர்!

கொரோனா பரவுவதைப் பொறுத்தவரை அடுத்த மூன்று வாரங்கள் இந்தியாவுக்கு மிக முக்கியமானவை என்று செல்லுலார் மற்றும் மூலக்கூறு உயிரியல் மையம் இயக்குனர் டாக்டர். ராகேஷ் மிஸ்ரா கருத்து தெரிவித்தார். மேலும் மக்கள் வழிகாட்டுதல்களைப் பின்பற்றுவது மிகவும் முக்கியம் என்றும் கூறினார்.

கொரோனா நோயால் பாதிக்கப்படுவதைத் தடுக்க மக்கள் வழிகாட்டுதல்களை மிகவும் கண்டிப்பாக பின்பற்ற வேண்டும் என்று மிஸ்ரா வலியுறுத்தினார். "அடுத்த 3 வாரங்கள் நோய்த்தொற்று பரவுவதைப் பொறுத்தவரை இந்தியாவுக்கு மிகவும் முக்கியமானவை. மக்கள் மிகுந்த கவனிப்பு மற்றும் முன்னெச்சரிக்கை நடவடிக்கைகளை எடுக்க வேண்டும்" என்று அவர் கூறினார்.

 மருத்துவமனை படுக்கைகள், ஆக்சிஜன் சிலிண்டர்கள் மற்றும் தடுப்பூசிகளின் பற்றாக்குறை குறித்து டாக்டர் மிஸ்ரா கூறுகையில், நிலைமை தொடர்ந்தால், நாடு பேரழிவு தரும் நிலையில் இருக்கும் என்று எச்சரித்துள்ளார். "இத்தாலியில் இந்த வகையான நிலைமையை நாம் கண்டிருக்கிறோம். அங்கு சிகிச்சை மருந்து மற்றும் ஆக்ஸிஜன் சிலிண்டர்கள் இல்லாததால் மருத்துவமனைகளில் பலர் உயிர் இழந்திருக்கிறார்கள். கடந்த ஆண்டு, சுகாதார ஊழியர்கள் நிலைமையை மிகவும் சிறப்பாக கையாண்டனர்" என்று அவர் கூறினார்.

நாட்டில் அதிகரித்து வரும் கொரோனா பாதிப்புகள் குறித்து பேசிய டாக்டர். மிஸ்ரா, இரண்டாவது அலை மிகவும் எதிர்பார்க்கப்படுகிறது என்று கூறினார். "கடந்த சில மாதங்களாக, பல மருத்துவ நிபுணர்கள், வைரஸும் அதன் தாக்கமும் தொடர்ந்து உள்ளது என்றும் அது முற்றிலுமாக அழிக்கப்படவில்லை என்றும் கூறி வருகின்றனர். இந்த மாதிரியான நிலைமைக்கு நாம் இன்னும் கொஞ்சம் தயாராக இருந்திருக்க வேண்டும். முககவசங்கள் அணியாமல் மக்கள் தங்களைக் கவனித்துக் கொள்வதை நிறுத்திவிட்டதால், அது முற்றிலுமாக போய்விட்டது என்று நினைப்பதே பாதிப்புகள் நாளுக்கு நாள் அதிகரித்து வருவதற்கான காரணம்" என்று கூறினார்.

கொரோனா வைரஸின் முழுமையான காற்று மாதிரியின் பின்னர், வைரஸ் காற்று வழியாக பரவக்கூடும் என்று கண்டறியப்பட்டுள்ளது. இது ஒரு மூடிய பகுதியில் 20 அடி வரை நகரும். முககவசம் அணிந்தால் 80 முதல் 90 சதவீதம் வரை பாதுகாப்பாக இருக்க முடியும்." என்று அவர் மேலும் கூறினார்.