மாற்றத்திற்கு உள்ளாக்கும் இந்திய குற்றவியல் சட்டங்கள்.. 3 புதிய மசோதாக்கள் தாக்கல்..

இந்தியாவில் குற்றவியல் சட்டங்களை முற்றிலுமாக மாற்றியமைக்கும் மையத்தின் மிகப்பெரிய நடவடிக்கையானது. குறிப்பாக ஆங்கிலேயர் ஆட்சிக் காலத்தில் கடந்த 1860 ஆம் ஆண்டு கொண்டுவரப்பட்ட இந்திய தண்டனை சட்டத்தை பிரதமர் நரேந்திர மோடி தலைமையிலான அரசாங்கம் தற்போது மாற்றியமைத்து இருக்கிறது. இந்தியாவில் தற்போது குற்றவியல் சட்டங்கள், தண்டனை சட்டங்கள், சான்று சட்டங்களான ஐபிசி, சிஆர்பிசி, எவிடன்ஸ் ஆக்ட் போன்றவை அமலில் இருந்து வருகின்றன. சுதந்திரத்துக்கு முந்தைய காலமான 1860 களில் இருந்து பின்பற்றப்பட்டு வரும் ஐபிசி உள்ளிட்ட இந்த சட்டங்களில் பல சட்டங்கள் அவ்வப்போது நாடாளுமன்றத்தில் திருத்தம் செய்யப்பட்டு பயன்படுத்தப்பட்டு வருகின்றன.

அந்த வகையில் தேசத் துரோகத்துக்கான தண்டனையை மூன்றாண்டு சிறைத் தண்டனையில் இருந்து ஆயுள் தண்டனையாக அல்லது ஏழு ஆண்டுகள் வரை சிறைத் தண்டனையாக அதிகரிக்க ஆணையம் பரிந்துரை செய்திருந்தது குறிப்பிடத்தக்கது. இது உள்துறை அமைச்சர் அமித் ஷாவால் மக்களவையில் அறிமுகப் படுத்தப்பட்டு மசோதாவில் அமல்படுத்தப்பட்டுள்ளது. பாரதீய நியாய சன்ஹிதா என்பது 1860 ஆம் ஆண்டின் இந்திய தண்டனைச் சட்டத்தை மாற்றுவதாகும்.  

தேசத்துரோகத்தைக் கையாளும் IPC இன் பிரிவு 124A, "இந்தியாவில் சட்டத்தால் நிறுவப்பட்ட அரசாங்கத்தின் மீது அதிருப்தியை ஏற்படுத்தினால், ஆயுள் முழுவதும் சிறைத்தண்டனை விதிக்கப்படும், அதனுடன் அபராதம் சேர்க்கப்படலாம் அல்லது மூன்று ஆண்டுகள் வரை நீட்டிக்கக்கூடிய சிறைத்தண்டனை, அபராதம் சேர்க்கப்படலாம் அல்லது அபராதம் விதிக்கப்படும்" என்று மாற்றி அமைக்கப்பட்டு இருக்கிறது.

Input & Image courtesy: News