நிலநடுக்க ஆய்வில் சாதனை படைக்கப்போகும் இந்தியா! முன்கூட்டியே கணிக்க மேற்கொள்ளப்பட்ட புதுவித முயற்சி!
நிலநடுக்க ஆய்வில் சாதனை படைக்கப்போகும் இந்தியா! முன்கூட்டியே கணிக்க மேற்கொள்ளப்பட்ட புதுவித முயற்சி!
தில்லியில் கடந்த 2020-ஆம் ஆண்டு ஏப்ரல் முதல் ஆகஸ்ட் வரை 4 சிறிய நில நடுக்கங்கள் ஏற்பட்டன. கடந்த ஆண்டு ஏப்ரல் 12-ஆம் தேதி ஏற்பட்ட நில நடுக்கம் ரிக்டர் அளவில் 3.5 புள்ளிகள் பதிவானது. இதைத் தொடர்ந்து 3 புள்ளிகளுக்குக் குறைவான பல அதிர்வுகள் ஏற்பட்டன. இந்த அனைத்து இடங்களையும் தேசிய நில நடுக்க ஆய்வு மையம் அடையாளம் கண்டது. இந்த நில நடுக்கங்கள் வடகிழக்கு தில்லி எல்லை, ஹரியானாவின் கிழக்கு ரோதக், கிழக்கு ஃபரிதாபாத் ஆகிய இடங்களில் மையம் கொண்டிருந்தன.
கடந்த மே 10-ஆம் தேதி ஏற்பட்ட, இரண்டாவது நில நடுக்கம் ரிக்டர் அளவில் 3.4 புள்ளிகள் பதிவானது. இதையடுத்து இந்த அதிர்வுகள் குறித்து நிபுணர்களுடன் புவி அறிவியல் அமைச்சகம் விரிவான ஆலோசனை நடத்தியது. தில்லியிலும், சுற்றுப்புறப் பகுதிகளிலும், நில நடுக்க ஆதாரங்களை வகைப்படுத்த வேண்டும் எனவும், நில நடுக்கத்தை ஏற்படுத்தும் நிலத்தடி கட்டமைப்புகளின் குறைபாடுகளை வரையறை செய்ய வேண்டியது அவசியம் எனவும் உணரப்பட்டது. பாறை அமைப்புகளில் உள்ள முறிவுதான் இந்த குறைபாடு.
இதற்காக குறைபாடுகள் உள்ள தில்லி சுற்றுவட்டாரப் பகுதியில் 11 தற்காலிக கூடுதல் நில நடுக்க ஆய்வு மையங்கள் ஏற்படுத்தப்பட்டன. நில நடுக்கத்தைத் துல்லியமாகக் கண்டறிந்து, நடவடிக்கை மேற்கொள்வதற்காக, இந்த ஏற்பாடு செய்யப்பட்டது. இந்த மையங்களில் இருந்து பெறப்படும் தரவுகள், இப்பகுதியில் ஏற்படும் சிறிய நில நடுக்கங்களைக் கண்டறிய பயன்படுத்தப்பட்டன. நில நடுக்க ஆய்வு மையங்கள் விரிவுபடுத்தப்பட்டதன் மூலம் நில நடுக்க மையத்தின் துல்லியத்தைக் கண்டறிவதில் முன்னேற்றம் ஏற்பட்டுள்ளது.