காதல் மற்றும் போதைப்பொருள் ஜிஹாத் குறித்து வெளிப்படையாக பேசிய பிஷப் - பிணையில் வரமுடியாத வழக்கு கோரும் இஸ்லாம் அமைப்புகள் !

மலபார் தேவாலய மறைமாவட்ட ஆயர் மார் ஜோசப், கேரளாவில் கத்தோலிக்கப் பெண்கள் 'காதல் மற்றும் போதைப்பொருள் ஜிஹாத்'க்கு பலியாகி வருவதாகக் கூறினார். இதற்கு கோட்டயத்தில் உள்ள முஸ்லீம் ஒருங்கிணைப்புக் குழு, அவர் மீது ஜாமீனில் வெளிவர முடியாத வழக்கைப் பதிவு செய்யக் கோரி மனு தாக்கல் செய்துள்ளது. 

மதநல்லிணக்கத்தை ஏற்படுத்த பிஷப்பின் அறிக்கை உதவாது என்று காங்கிரஸ் செயல் தலைவரும் மூத்த சட்டமன்ற உறுப்பினருமான பி டி தாமஸ் கூறினார். இது போன்ற அறிக்கைகள் ஆபத்தானவை. அமைதியின்மையை உருவாக்குவதற்கான எதையும் செய்யக்கூடாது" என்று தாமஸ் கூறினார்.

பிஷப் கோட்டயம் மாவட்டம் குருவிலங்காடு தேவாலயக் கொண்டாட்டத்தில் பேசுகையில், "ஆயுதங்கள் எங்கு பயன்படுத்த முடியவில்லையோ, அங்கு போதைப்பொருள் பயன்படுத்தப்படுகிறது. இங்கு கத்தோலிக்க பெண்கள் பலியாகிறார்கள். இதற்கு உதவ கேரளாவில் ஒரு குழு செயல்படுகிறது. இதைப் புரிந்து கொள்ளுங்கள், மற்ற மதங்களைச் சேர்ந்த பெண்கள் எப்படி ஐஎஸ் முகாம்களை அடைந்தார்கள் என்பதை பகுப்பாய்வு செய்ய வேண்டும், "என்று கூறினார்.

மேலும் "லவ் ஜிஹாத்தின்" ஒரு பகுதியாக, பெண்கள் மதமாற்றம் செய்யப்படுகிறார்கள். கத்தோலிக்க இளைஞர்களிடையே போதைப்பொருள் பயன்பாடு அதிகரித்து வருகிறது. இவை அனைத்துக்கும் காரணம் முஸ்லீம் அல்லாதவர்கள் இல்லை என்பதைக் காணவும். இவை அனைத்திற்கும் உதவ ஒரு குழு உள்ளது. அனைவரும் எச்சரிக்கையாக இருக்க வேண்டும் "என்று கூறினார்.

"முஸ்லீம் எண்ணங்களை வலுக்கட்டாயமாக கொண்டு வர ஒரு திட்டம் நடக்கிறது. அனைத்து கத்தோலிக்கர்களும் எச்சரிக்கையாக இருக்க வேண்டும்," என்று கூறினார்.

கேரளா அரசாங்கம் 2016 ஆம் ஆண்டில் பல்வேறு மத்திய நிறுவனங்களான ஐபி, என்ஐஏ மற்றும் ரா ஆகியவற்றுடன் தொடர்பு கொண்ட பிறகு, கேரளாவில் இருந்து காணாமல் போன 19 பேர் பற்றிய உண்மைத்தன்மை குறித்து தகவல் வெளியானது. அவர்கள் ஐஎஸ் அமைப்பில் சேர்ந்துள்ளனர். இந்த 19 பேரில் 10 ஆண்கள், ஆறு பெண்கள் மற்றும் மூன்று குழந்தைகள் அடங்குவர், அவர்களில் பெரும்பாலோர் காசர்கோடு மற்றும் ஒரு சிலர் பாலக்காடு மாவட்டங்களைச் சேர்ந்தவர்கள். இதில் கிறிஸ்துவ மற்றும் இந்து மதத்தை சேர்ந்தவர்களும் அடங்குவர்.