சித்த, ஆயுர்வேத மருந்துப் பொருட்களை இனி ஏற்றுமதி செய்யலாம்: மூலிகை பயிரிடும் விவசாயிகளுக்கு கூடுதல் வாய்ப்பு.!
சித்த, ஆயுர்வேத மருந்துப் பொருட்களை இனி ஏற்றுமதி செய்யலாம்: மூலிகை பயிரிடும் விவசாயிகளுக்கு கூடுதல் வாய்ப்பு.!
சித்த மருந்துகள் உட்பட ஆயுஷ் தயாரிப்புகள் ஏற்றுமதியை ஊக்குவிப்பதற்காக, ஆயுஷ் ஏற்றுமதி வளர்ச்சி குழு அமைக்க மத்திய வர்த்தக மற்றும் தொழில்துறை அமைச்சகம் மற்றும் ஆயுஷ் அமைச்சகம் ஆகியவை முடிவு செய்துள்ளன.
மத்திய வர்த்தக மற்றும் தொழில்துறை அமைச்சர் பியூஷ் கோயல், ஆயுஷ் அமைச்சர் ஸ்ரீபத் நாயக் ஆகியோர் ஆயுஷ் வர்த்தகம் மற்றும் தொழில் குறித்து சமீபத்தில் ஆய்வு கூட்டம் நடத்தினர். அதில் இந்த முடிவு எடுக்கப்பட்டது. ஆயுஷ் பொருட்கள் ஏற்றுமதியை ஊக்குவிக்க, ஒட்டுமொத்த ஆயுஷ் துறையும் இணைந்து செயல்பட இந்த ஆய்வு கூட்டத்தில் முடிவு செய்யப்பட்டது.
இந்த ஆய்வு கூட்டம் சமீபத்தில் காணொலி காட்சி மூலம் நடந்தது. இதில் ஆயுஷ் துறையைச் சேர்ந்த தொழில் மற்றும் வர்த்தக தலைவர்கள் சுமார் 50 பேர் கலந்து கொண்டனர். ஆயுஷ் துறையைச் சேர்ந்த 2 ஆயிரத்துக்கும் மேற்பட்டோர் இந்நிகழ்ச்சியில் கலந்து கொண்டனர்.
விவாதத்தை தொடங்கி வைத்த ஆயுஷ் செயலாளர், ஆயுஷ் அமைச்சகம் இதற்கு முந்தைய கூட்டத்தில் செய்த பரிந்துரைகளுக்கு எடுக்கப்பட்ட நடவடிக்கைகளை விவரித்தார்.
கொரோனா சூழலில் மக்களுக்கு செய்யப்பட்ட ஆயுர்வேத மற்றும் சித்த முறை சிகிச்சைகள் ஆயுஷ் தொழில்துறையை முன்னேற்றுவதற்கும், பரிந்துரைகள் தொடர்பாக எடுக்கப்பட்ட நடவடிக்கைகளை அவர் எடுத்துக் கூறினார்
ஆயுஷ் துறையில் உருவாகும் வாய்ப்புகள் குறித்தும், கவனம் செலுத்த வேண்டிய சில தடைகள் குறித்தும் அவர் பேசினார்.
வர்த்தகம் மற்றும் தொழில்துறை, ஆயுஷ் தொழில் துறையினரும் தங்கள் கருத்துக்களை பகிர்ந்து கொண்டனர். கொரோனாவை முன்னிட்டு மக்களுக்கும் ஆயுஷ் அடிப்படையிலான தீர்வுகளை வழங்க ஆயுஷ் அமைச்சகம் மேற்கொண்ட முயற்சிக்கு இந்த கூட்டத்தில் பாராட்டு தெரிவிக்கப்பட்டது.
கொரோனா போன்ற சிக்கலான நேரங்களில், நோய் தடுப்புக்கும், சிகிச்சைக்கும் ஆயுஷ் அடிப்படையிலான தீர்வுகளுக்கு உலகளவில் வரவேற்பு இருந்ததை அமைச்சர் ஸ்ரீபத் நாயக் சுட்டிக் காட்டினார்.