38,000 கோவில்களை கையகப்படுத்தியதாக தொடரப்பட்ட வழக்கில் தமிழக அரசுக்கு உச்சநீதிமன்றம் நோட்டீஸ்!

தமிழகத்தில் உள்ள சுமார் 38,000 கோயில்களில் செயல் அலுவலர்களை நியமித்து, கோயில் அறங்காவலர்களை நியமிக்காமல் அரசு மறைமுகமாக நிர்வாகத்தை கையகப்படுத்தியதாக தொடரப்பட்ட மனுவில் உச்சநீதிமன்றம் தமிழக அரசின் பதிலைக் கேட்டுள்ளது.

இதனால் கோவில் நிதியில் முறைகேடு நடந்துள்ளதாக மனுவில் தெரிவிக்கப்பட்டுள்ளது. இந்த வழக்கை தலைமை நீதிபதி டி.ஒய்.சந்திரசூட் , நீதிபதி பி.எஸ்.நரசிம்மா ஆகியோர் அடங்கிய அமர்வு விசாரித்தது. 

2015-ஆம் ஆண்டு நிர்வாக அதிகாரிகளை நியமனம் செய்வதற்கான நிபந்தனைகளின்படி, நிர்வாக அதிகாரிகளின் நியமனங்களை அதிகபட்சமாக ஐந்து ஆண்டுகளுக்கு வரையறுக்கப்பட்டுள்ளது.

ஆனால் மாநில அரசால் நியமிக்கப்பட்ட செயல் அலுவலர்கள் (EOs) அவர்களின் நியமன உத்தரவுகளில் எந்த நிபந்தனையும் இல்லாமல் காலவரையின்றி நியமிக்கப்பட்டனர். கோடிக்கணக்கான ரூபாய் மதிப்பிலான திட்டங்கள் தொடர்பான முடிவுகள் அத்தகைய இ.ஓ.க்களிடம் ஒப்படைக்கப்பட்டுள்ளது. இது கடவுள் மற்றும் பக்தர்களின் நலனுக்கு பெரும் பாதிப்பை ஏற்படுத்தியுள்ளது.

Input From: Live Law