பிரதமர் மோடி முன்னிலையில் பொக்ரானில் போர் விமான சாகசம்: முதல் முறையாக பங்கேற்கும் ரபேல்!

பிரதமர் மோடி முன்னிலையில் வருகின்ற 7ம் தேதி பொக்ரானில் இந்திய விமானப்படையின் வாயு சக்தி சாகச நிகழ்ச்சி நடைபெற உள்ளது. இதில் முதன் முறையாக பிரான்ஸ் நாட்டு தயாரிப்பான ரபேல் விமானமும் பங்கேற்கிறது.

ராஜஸ்தான் மாநிலம், பொக்ரான் சரகத்தில் மூன்று ஆண்டுகளுக்கு ஒருமுறை வாயு சக்தி விமான சாகச நிகழ்ச்சியை இந்திய விமானப்படை நடத்தும். இதற்கு முன்னர் கடந்த 2019ம் ஆண்டு இந்த நிகழ்ச்சி நடைபெற்றது குறிப்பிடத்தக்கது.

இந்நிலையில், இந்த ஆண்டு மார்ச் 7ம் தேதி வாயு சக்தி நிகழ்ச்சியை இந்திய விமானப்படை நடத்த உள்ளது. இந்த நிகழ்ச்சிக்கு பிரதமர் மோடி சிறப்பு விருந்தினராக பங்கேற்கிறார். அவர் முன்னிலையில் ரபேல் விமானங்கள் பங்கேற்று தனது திறமையை வெளிப்படுத்தும் என்பது குறிப்பிடத்தக்கது.

Source: Daily Thanthi

Image Courtesy: Tribune India