அடுத்த அடி - சீனாவின் ஹூவாய் நிறுவனத்திற்கு இங்கிலாந்து தடை.! #5GNetwork #England #Huawei #China

ஒரு மிகப்பெரும் திருப்புமுனையாக, இங்கிலாந்து தனது 5ஜி தொலைத் தொடர்பு வலையமைப்பிலிருந்து சீனாவை சேர்ந்த ஹவாய் நிறுவனத்திற்குத் தடை விதித்துள்ளது என CNN செய்தி வெளியிட்டுள்ளது. BT மற்றும் வோடபோன் போன்ற ஆபரேட்டர்கள் தங்களது 5 ஜி நெட்வொர்க்குகளிலிருந்து ஹவாய் உபகரணங்களை அகற்ற 2027 வரை நேரம் வழங்கப்பட்டுள்ளதாக இங்கிலாந்து அரசு செவ்வாய்க்கிழமை (இன்று) அறிவித்தது

இங்கிலாந்தின் 5G நெட்வொர்க்கில் ஹாவாய்க்கு மிகக் குறைவான பங்கு இருக்கும் என ஜனவரியில் முடிவெடுத்திருந்த பிரிட்டன் அரசாங்கம், இப்போது மனம் மாறி முழுவதும் தடை விதித்துள்ளது. இங்கிலாந்து 5ஜியை நடைமுறைக்கு கொண்டுவருவதை ஒரு வருடத்திற்கு இந்த நடவடிக்கை தாமதப்படுத்தும்.

இந்த முடிவு டிரம்ப் நிர்வாகத்திற்கு ஒரு பெரிய வெற்றியாகும். ஏனெனில் ஹுவாயை தங்கள் 5 ஜி நெட்வொர்க்குகளிலிருந்து விலக்குமாறு நட்பு நாடுகளுக்கு அமெரிக்கா அழுத்தம் கொடுத்து வந்தது.

அமெரிக்க வெளியுறவுத்துறை செயலர் மைக் பாம்பியோ கடந்த மாதம், சீனாவின் கண்காணிப்பு அரசின் ஆபத்தை உலகெங்கிலும் உள்ள குடிமக்கள் உணர்ந்து வருவதால் ஹவாய் மீது எதிர்ப்பு அலை உருவாவதாகக் கூறினார்.

இந்த முடிவு 20 ஆண்டுகளாக பிரிட்டனில் செயல்பட்டு வரும் ஹவாய் நிறுவனத்திற்கு பெரும் அடியாகும். ஐரோப்பா, ஹவாய் நிறுவனத்திற்கு ஒரு முக்கிய சந்தையாகும், இது கடந்த ஆண்டு விற்பனையில் 24% ஆகும். சமீபத்திய அமெரிக்க பொருளாதாரத் தடைகள் அதன் தயாரிப்புகளின் "பின்னடைவு அல்லது பாதுகாப்பை" பாதிக்காது என்று நம்புவதாகவும், இங்கிலாந்து அறிவிப்பு ஏமாற்றமளிப்பதாகவும் ஹவாய் தெரிவித்துள்ளது.

இங்கிலாந்து பிரதமர் போரிஸ் ஜான்சன் டிரம்ப் நிர்வாகம் மற்றும் தனது சொந்த கட்சிக்குள்ளேயே இது தொடர்பாக பெருகிய அழுத்தத்தை எதிர்கொண்டார். சீன அரசாங்கம் ஹவாய், உளவு மற்றும் நாசவேலைக்கு பயன்படுத்தப்படலாம் என்று அமெரிக்கா வாதிடுகிறது.

ஹவாய் ஏற்கனவே பிரிட்டனின் 4 ஜி உள்கட்டமைப்பின் ஒருங்கிணைந்த பகுதியாகும், மேலும் அந்த நெட்வொர்க்குகளில் நிறுவனத்தின் உபகரணங்களை மாற்ற தொலைத் தொடர்பு ஆபரேட்டர்கள் தேவையில்லை.

சீன நிறுவனத்தின் ஐரோப்பிய போட்டியாளர்கள் ஹவாய் விட்டுச் சென்ற 5ஜி வெற்றிடத்தை நிரப்பத் தயாராக இருப்பதாகக் கூறினர்.

Source: CNN