சுஷாந்த் சிங் ராஜ்புத் மரணம் தொடர்பாக 'உளவியலாளருடன்' பேட்டி; பர்கா தத்தை வறுத்தெடுத்த நெட்டிசன்கள்!
.ஒரு 'உளவியலாளர்' நம்பிக்கை உடைக்கும் விதமாக பொது அரங்கில் விவாதிப்பது தண்டனைக்குரிய குற்றமாகும்.
சர்ச்சைக்குரிய ஊடகவியலாளரும், முன்னாள் NDTV தொகுப்பாளரான பர்கா தத், சமீபத்தில் தற்கொலை செய்து கொண்டு மரணமடைந்ததாக கூறப்படும் பாலிவுட் நடிகர் சுஷாந்த் சிங் ராஜ்புத்தின் ' உளவியலாளர்' உடன் பேட்டி கண்டு அதை ஆகஸ்ட் ஒன்று அன்று ஒளிபரப்பு செய்தார். இது நெட்டிசன்கள் இடையே பயங்கர கோபத்தையும் ஒரு 'உளவியலாளர்' தனது நோயாளியின் மருத்துவ விபரங்களை அவரது நம்பிக்கை உடைக்கும் விதமாக பொது அரங்கில் விவாதிப்பது தண்டனைக்குரிய குற்றமாகும் என்ற விவாதங்களையும் கிளப்பியுள்ளது.
சூசன் வாக்கர் என்ற அந்த உளவியலாளர் தான், சுஷாந்த் ராஜ்புத்திற்கும், அவரது முன்னாள் காதலி ரியா சக்கரவர்த்திக்கும் சிகிச்சையும் கவுன்சிலிங்கும் அளித்ததாகவும், அதன்படி சுஷாந்த்க்கு பைபோலார் டிஸ்ஆர்டர் என்ற ஒரு மன நல வியாதி இருப்பதாகவும் இந்த விஷயத்தை இப்போது பொது அரங்கிற்கு கொண்டு வருவது தன்னுடைய கடமை என்றும் தெரிவித்தார்.
Barkha while I agree with everything Ms Walker says about mental illness & the media circus around Mr Rajput's death, I am not convinced that she had a right to break client confidentiality. Unless she believes someone's life was at risk. Also see last point below. Wish her luck! pic.twitter.com/RgBTMp5EsT
— Dr Soumitra Pathare (@netshrink) August 1, 2020
ஆனால் அவருடைய பேட்டியின் பெரும்பாலான பார்வை, சுஷாந்தின் முன்னாள் காதலியான ரியா சக்ரவர்த்திக்கு ஆதரவு அளிப்பது போலவே இருந்தது. சுஷாந்த் ராஜ்புத் மரணத்தில் அவரது தற்கொலையைத் தூண்டி விட்டதாக ரியா சக்கரவர்த்தியின் மீது தற்போது வழக்கு பதிவு செய்யப்பட்டுள்ளது. அவர் தலைமறைவாக உள்ளார் என்பது குறிப்பிடத்தக்கது.
சூசன் வாக்கர் பர்கா தத்திடம் கூறும்போது, சுஷாந்த் சிங் ராஜ்புத்திற்கும் அவரது முன்னாள் காதலி ரியா சக்கரவர்த்திக்கும் உள்ள தொடர்புகளும் சக்கரவர்த்தியின் மீதான குற்றச்சாட்டுகளும் சமூக ஊடகங்களில் பரவி வருவதால் இது குறித்து ஒரு கருத்து தெரிவிப்பது தன்னுடைய 'கடமை' என்றும் சுஷாந்த் மற்றும் ரியாவை, கடந்த நவம்பர் டிசம்பரில் பல முறை தான் சந்தித்ததாகவும் ஜூன் மாதத்தில் ரியாவிடம் தொலைபேசியில் தொடர்பு கொண்டதாகவும், சுஷாந்த் சிங் ராஜ்புத்திற்கு பைபோலார் டிஸ்ஆர்டர் என்ற மனநல வியாதி இருந்தால் அவரை சமாளிக்கவும் அவரைப் பார்த்துக் கொள்ளவும் ரியா மிகவும் சிரமப்பட்டதாகவும் தெரிவித்தார்.