தான்தோன்றித்தனமான தி.மு.க ஐ.டி விங்க், கடுப்பான முதல்வர் - பின்னணி என்ன?

தி.மு.க ஐ.டி விங் நிர்வாகிகள் தான்தோன்றித்தனமான விவாதங்களை, பதில்களை பதிவிட்டு வருவதால் முதல்வர் கோபம் அடைந்துள்ளார் என தி.மு.க வட்டாரத்தில் தெரிவிக்கப்பட்டுள்ளது.

கடந்த 5'ம் தேதி தி.மு.க தலைவரும் முதல்வருமான ஸ்டாலின் முதன்முறையாக காணொளி வாயிலாக ஐ.டி விங்க் மாநில நிர்வாகிகள் தொடங்கி பல்வேறு தரப்பினருடன் உரையாடினார், அப்போது பேசிய அவர் கூறியதாவது, "எதிரணியினர் நம்மை கோபப்படுவார்கள் ஆத்திரப்படுத்துவார்கள் அதற்கு எதிர்வினையாற்ற வேண்டும், அவர்களை எதிர்ப்பது அவர்களை போல நீங்களும் செய்யாதீர்கள் சாதியைச் சொல்லி திட்டுவார்கள், மதத்தை வைத்து திட்டுவார்கள், பெண்களாக இருந்தால் ஆபாசமாக திட்டுவார்கள், அதுதான் அவர்களின் பண்பாடு" என்றார்.

மேலும் பேசிய அவர், "பதில் சொல்கிறோம் என நினைத்துக்கொண்டு புது பிரச்சினையைத் உருவாக்கக் கூடாது சமீபகாலமாக தேவையற்ற சில விமர்சனங்களை நம்முடைய தி.மு.க'வின் இணையதள தோழர்கள் சிலர் செய்கிறார்கள் அதையும் கவனித்துக் கொண்டுதான் இருக்கிறேன். தலித் தலைவர்கள் குறித்தும் இலங்கை விவகாரங்கள் குறித்தும் அவசியமற்ற விவாதங்களை செய்வதன்மூலம் கழகத்துக்கு அவர்கள் நன்மையை செய்யவில்லை கெட்ட பெயர்தான் தேடித் தருகிறார்கள்" என்றார்.

முதல்வர் இப்படி எச்சரித்தது குறித்து தி.மு.க'வின் ஐ.டி விங் நிர்வாகிகள் கூறும்போது தி.மு.க'வின் நிர்வாகிகள் தான்தோன்றித்தனமான விவாதங்களை பதில்களை பதிவிட்டு வந்துள்ளனர் என்பதை மறுக்கமுடியாது தலித் தலைவர்கள் குறித்த விவாதத்தின் போது சிலர் தெரியாமலோ, தெரிந்தோ கூட்டணியில் இருக்கும் தலைவர் பற்றி அவதூராக பதிவிட்டனர், அதுபோல் தொடர்ந்து சீண்டிக் கொண்டே இருந்ததால் அவர்களுக்கு பதிலளிக்கும் வகையில் பதிவிடுகின்றனர். மேலும் இலங்கை தமிழர் கொத்துக்கொத்தாக கொன்று குவிக்கும் விடுதலைப் புலிகள் அழிக்கப்பட்டதற்கு தி.மு.க மற்றும் காங்கிரஸ் கட்சிதான் காரணம் என தொடர்ச்சியாக விவாதங்கள் நடைபெற்றுக் கொண்டிருந்தன.