தமிழகம் வந்த மத்திய உள்துறை அமைச்சர் அமித்ஷா - பா.ஜ.க'வினரின் பிரமாண்ட வரவேற்பு!

தமிழகம் மற்றும் புதுச்சேரியில் பல்வேறு நிகழ்ச்சிகளில் பங்கேற்பதற்காக மத்திய உள்துறை அமைச்சர் அமித்ஷா சென்னைக்கு நேற்று இரவு வருகை புரிந்தார். விமான நிலையத்தில் பாஜக மாநில தலைவர் அண்ணாமலை மற்றும் முன்னணி தலைவர்கள் பூங்கொத்து கொடுத்து வரவேற்றனர்.

அதன் பின்னர் விமானம் நிலையத்தில் இருந்து சாலை நெடுகிலும் பாஜக தொண்டர்கள் ஆயிரக்கணக்கானோர்கள் திரண்டு வரவேற்பு அளித்தனர். அவர்களை பார்த்து மத்திய உள்துறை அமைச்சர் அமித்ஷா வணக்கத்தை தெரிவித்துக்கொண்டார்.

இதனிடையே ஸ்ரீ அரவிந்தரின் 150வது பிறந்தநாள் விழா, மகாகவி பாரதியார் அருங்காட்சியகம் மற்றும் பல்வேறு வளர்ச்சித் திட்டங்களை துவக்கி வைக்கிறார் மத்திய உள்துறை அமைச்சர் அமித்ஷா. மத்திய உள்துறை அமைச்சரின் வருகையை முன்னிட்டு பலத்த போலீஸ் பாதுகாப்பு போடப்பட்டுள்ளது குறிப்பிடத்தக்கது.

Source, Image Courtesy: Twiter