மாரிதாஸ் வழக்கை ரத்து செய்த நீதிபதியை விமர்சனம் செய்த தி.மு.க.விற்கு பதிலடி கொடுத்த எஸ்.ஜி.சூர்யா!

பொது சிவில் சட்டம் கருத்தரங்கம் கடந்த 2.11.2016 அன்று கோவையில் நடைபெற்றது. இந்த கூட்டத்திற்கான அழைப்பிதழ் நோட்டீஸில் இடம் பெற்ற மற்ற அனைவரையும் விட்டு அப்போது (கூடுதல் மத்திய அரசு வழக்கறிஞர் சென்னை உயர் நீதிமன்றம் மதுரை கிளை) ஜி.ஆர்.சுவாமிநாதன் பெயரை மட்டும் கட்டிங் செய்து திமுக செய்தித்தொடர்பாளர் ராஜிவ் காந்தி தனது ட்விட்டர் பக்கத்தில் பதிவிட்டுள்ளார். அதாவது தற்போது மாரிதாஸ் வழக்கை ரத்து செய்திருப்பவர் நீதிபதி சுவாமிநாதன் என்பவர் ஆவார். அவரை பாஜகவுக்கு மட்டும் ஆதரவாக செயல்படுகின்றார் என்பதை மறைமுகமாக சுட்டிக்காட்டியிருந்தார்.

இதற்கு பதிலடி கொடுக்கும் விதமாக பாஜக ஊடகப்பிரிவு செய்தித்தொடர்பாளர் எஸ்.ஜி. சூர்யா அப்போது அச்சடிக்கப்பட்ட முழு நோட்டீஸையும் தனது ட்விட்டர் பக்கத்தில் பதிவிட்டுள்ளார். அந்த அழைப்பிதழலில் சிறப்புரை மாண்புமிகு நீதியரசர் ஏ.கே.ராஜன் அவர்கள், உயர் நீதிமன்ற நீதிபதி ஓய்வு என குறிப்பிடப்பட்டுள்ளது. அவரது பெயருக்கு கீழ் சுவாமிநாதன், கூடுதல் மத்திய அரசு வழக்கறிஞர் சென்னை உயர் நீதிமன்றம் மதுரை கிளை என குறிப்பிடப்பட்டுள்ளது.

தற்போதைய சூழ்நிலையில் முன்னாள் நீதிபதியான ஏ.கே.ராஜனை நீட் தேர்வு குறித்து விசாரிப்பதற்கான குழுவை அமைத்தது குறிப்பிடத்தக்கது. ஆனால் தற்போது ஓய்வு பெற்றுள்ள நீதிபதியை பாஜகவினர் ஏன் விமர்சனம் செய்ய மாட்டார்கள் என்ற கேள்வியும் எழுந்துள்ளது. நீதிபதி என்பவர் திமுக என்றாலும் சரி, பாஜக என்றாலும் சரி, அல்லது பிற கட்சிகள் பொதுமக்கள் அனைவருக்கும் சமமான நீதியை வழங்குவது மட்டுமே அவர்களின் பணி ஆகும். எனவே நீதிபதிகளை விமர்சனம் செய்வது ஏற்புடையதல்ல.