ஒரு ஓட்டுக்கு ரூ.15000, தங்க காசு - தமிழகத்தை உலுக்கும் ஈரோடு கிழக்கு இடைத்தேர்தல்

இதுகுறித்து மூத்த பத்திரிக்கையாளர் சவுக்கு சங்கர் யூ ட்யூப் சேனல் நிறுவனம் ஒன்றுக்கு அளித்த பேட்டியில் கூறியுள்ளதாவது, 'ஈரோட்டில் தேர்தல் வேலை ரொம்ப ஜரூராக நடந்து கொண்டிருக்கிறது, குறிப்பாக திமுகவினர் அங்குள்ள கூலி தொழிலாளிகளான படிக்காத பாமர மக்களை அழைத்துக் கொண்டு சென்னிமலை, திண்டல் முருகன் கோவில், மேட்டூர் டேம் என இரண்டு பஸ் மூணு பஸ் பிடித்து அழைத்துச் செல்கின்றனர். போதாக்குறைக்கு அங்குள்ள மக்கள் அதிமுகவினர் கண்களில் படக்கூடாது என அவர்களை அழைத்துக் கொண்டு சென்று காலையில் குடல் குழம்புடன் இட்லி, மதியம் பிரியாணி, இரவில் ஆட்டுக்கால் பாயாவுடன் டிபன் என கொடுத்து அவர்களுக்கு 500 ரூபாய் பணமும் கொடுத்து வருகிறார்கள் கூலி வேலைக்கு செல்லும் மக்கள் இப்படி ஒரு நாள் கூலி வேலை சென்றால் கூட மூன்று வேலை சாப்பாடு 500 ரூபாய் பணமும் கிடைக்காது என அவர்கள் கூப்பிடும் இடத்துக்கு போய் விடுகின்றனர்.

இதனால் அதிமுகவினர் யாரிடம் சென்று வாக்கு கேட்பது என்ற நிலையிலே இருக்கின்றனர் இது எல்லாம் போதாது என்று ஒரு குறிப்பிட்ட இடத்தில் மொத்தமாக ஒரு கிராம் அளவுள்ள தங்க காசு தயாராகி வருகிறது, இதுவும் ஈரோடு தேர்தலுக்குத் தான் போகும் தேர்தல் நெருங்கும் வேலையில் குறிப்பாக தேர்தல் நடக்கவிருக்கும் இரண்டு மூன்று தினங்களுக்கு முன்பு இந்த ஒரு கிராம் தங்க காசு ஒரு ஓட்டுக்கு ஒன்று என அனைவரிடத்திலும் செல்லும், குறிப்பாக பெண்கள் வாக்குகளை தவிர இந்த ஒரு கிராம் தங்க காசு பெரிதும் உபயோகப்படும் என திமுக தரப்பு எதிர்பார்ப்பதாக சவுக்கு சங்கர் கூறியது பரபரப்பை ஏற்படுத்தி உள்ளது.

ஏற்கனவே தமிழக பாஜக தலைவர் அண்ணாமலை ஈரோடு தேர்தலில் முறைகேடு நடக்கிறது என தலைமை தேர்தல் ஆணையர் வரை புகார் அளித்துள்ளார், மேலும் அதிமுக தரப்பினும் புகார் அளிக்கப்பட்டுள்ளது தேர்தல் முறைகேடுகள் காரணமாக இந்த வாரத்தின் தொடக்கத்தில் திமுகவின் தேர்தல் பணிகளை மூடி சீல் வைத்தது, இப்படி இருந்தும் முறைகேடுகள் நடப்பது தொடர்வதால் நடத்த என்ன நடக்குமோ என்று கேள்வியும் எழுந்துள்ளது. பொறுத்திருந்து பார்க்கலாம் என்ன நடக்கிறது என!