தி.மு.க.வுக்கு மிகப்பெரிய தோல்வி இருக்கு.. பா.ஜ.க. வேட்பாளர் டாக்டர் சரவணன்.!

தமிழக சட்டமன்ற பொதுத்தேர்தலில் திமுக மிகப்பெரிய தோல்வி அடையும் என்றும் மீண்டும் அதிமுகு ஆட்சியே மலரும் என்று மதுரை வடக்கு தொகுதி பாஜக வேட்பாளர் சரவணன் கூறியுள்ளார்.

தமிழக சட்டமன்ற தேர்தல் அடுத்த மாதம் 6ம் தேதி நடைபெறுகிறது. இதனால் அரசியல் கட்சிகள் தீவிர பிரச்சாரம் மேற்கொண்டு வருகிறது. அதே போன்று அதிமுக கூட்டணியில் பாஜக 20 தொகுதிகளில் போட்டியிடுகிறது. இதில் மதுரை திருப்பரங்குன்றம் எம்.எல்.ஏ. சரவணன் பாஜக வேட்பாளராக மதுரை வடக்கு தொகுதியில் போட்டியிடுகிறார்.

இதனையடுத்து இன்று மதுரையில் தனியார் ஓட்டலில் தேர்தல் ஆலோசனைக் கூட்டம் நடைபெற்றது. இதில் மத்திய அமைச்சர் வி.கே. சிங் உள்ளிட்ட பலர் கலந்து கொண்டனர். இதன் பின்னர் பாஜக வேட்பாளர் சரவணன் பேசும்போது: மதுரையில் தாமரை நிச்சயமாக மலரும். கொரோனா தொற்றின்போது பிரதமர் மோடி 24 மணி நேரமும் பணியாற்றினார், அவரது பணி எனக்கு ஆச்சரியத்தை கொடுத்தது.

சட்டமன்ற பொதுத் தேர்தலில் திமுக மிகப்பெரிய அளவில் தோல்வி அடையும். மீண்டும் அதிமுகவின் ஆட்சி அமையும். இவ்வாறு அவர் பேசினார்.