துரைமுருகன் உடல்நிலை எப்படி உள்ளது: மருத்துவமனை வெளியிட்ட புதிய தகவல்.!

திமுக பொதுச்செயலாளர் துரைமுருகனுக்கு கடந்த 8ம் தேதி கொரோனா வைரஸ் தொற்று இருப்பது உறுதியானது. இதனையடுத்து அவர் சென்னை குரோம்பேட்டையில் உள்ள ரேலா மருத்துவமனையில் அனுமதிக்கப்பட்டு சிகிச்சை பெற்று வருகிறார்.

நேற்று முதல் அவரது உடல்நிலை மோசமாக இருப்பதாக சமூக வலைதளங்களில் கருத்துக்கள் பதிவிடப்பட்டு வந்தது. இதனால் திமுகவை சேர்ந்த முக்கிய நிர்வாகிகள் மருத்துவமனைக்கு நேரடியாக சென்று நலம் விசாரித்து வந்தனர்.

இந்நிலையில், துரைமுருகன் உடல்நிலை குறித்து ரேலா மருத்துவமனை நிர்வாகம் இன்று (ஏப்ரல் 12) வெளியிட்டுள்ள செய்திக் குறிப்பில், திமுக பொதுச்செயலாளர் துரைமுருகனின் உடல்நிலை சீராக உள்ளது. கவலைப்படும் வகையில் துரைமுருகன் உடல்நிலை இல்லை. மருத்துவர்கள் அவரை தொடர்ந்து கண்காணித்து வருகின்றனர். இவ்வாறு அதில் கூறப்பட்டுள்ளது.