எங்க உதயநிதி 3 மாச குழந்தையா இருக்கும்போதே ஜெயிலுக்கு போனவரு தெரியுமா? - கூச்சமில்லாமல் முட்டு கொடுத்த ஆபாச பேச்சாளர் சைதை சாதிக்
மூன்று மாத குழந்தையாக இருக்கும் பொழுது சிறை சென்றவர் உதயநிதி என திமுகவின் ஆபாச பேச்சாளர் சைதை சாதிக்
மூன்று மாத குழந்தையாக இருக்கும் பொழுது சிறை சென்றவர் உதயநிதி என திமுகவின் ஆபாச பேச்சாளர் சைதை சாதிக் முட்டுக்கொடுத்து பேசும் வீடியோ தற்போது இணையங்களில் வைரலாகி வருகிறது.
கொள்கைக்கான கட்சி! சமூக நீதிக்கான கட்சி! பெண்களுக்கான நீதி பெற்று தரும் கட்சி! கடவுள் மறுப்பு கொள்கையில் ஸ்ட்ராங்காக உள்ள கட்சி! என திமுகவை கட்டமைக்க பல பிம்பங்கள் மேடைப்பேச்சுகளாலும், மீடியாக்களாலும் ஏற்படுத்தப்பட்டாலும் அவ்வப்போது சைதை சாதிக் போன்ற பேச்சாளர்கள் அந்த கட்டமைக்கப்பட்ட பிம்பத்தில் ஊசி வைத்து குத்தி விளையாடுகின்றனர்.
தற்போது மிக குறுகிய காலத்தில் திமுகவில் உதயநிதி ஸ்டாலினை கட்சிக்குள் கொண்டு வந்து இளைஞர் அணி தலைவராக்கி, எம்எல்ஏ'வாக்கி, இப்பொழுது அமைச்சர் பதவி ஆக்கி வைத்திருக்கிறார்கள்! இவை அனைத்தும் திமுகவில் மூன்று ஆண்டுகளில் நடந்து முடிந்துள்ளது!
1960களில் கட்சியை துவங்கிய அண்ணாதுரை கடின உழைப்பில் தான் தொடங்கினார், அதன் பிறகு கடின உழைப்பில் தான் முன்னாள் முதல்வர் கருணாநிதி தலைவர் திமுக பதவியை பிடித்தார். கருணாநிதி இறக்கம் தருவாயில் கூட திமுகவின் தலைவர் என்ற பொறுப்பு ஸ்டாலினுக்கு கொடுக்கவில்லை கிட்டத்தட்ட ஸ்டாலினுக்கு அது 65 வயதிற்கு மேல்தான் தான் கிடைத்தது.
ஆனால் தற்பொழுது உதயநிதியோ எல்லாத்தையும் சீக்கிரம் அடைந்து விட வேண்டும் என நினைக்கிறார் என அரசியல் விமர்சகர்கள் கருதுகின்றனர். இந்த சூழலில் அவருக்கென ஒரு தனியாக ஒரு ஆதரவு கூட்டத்தை வைத்துக்கொண்டு மீடியாக்களில் தன்னை பற்றி புகழ்ந்து பேசுவதும், தன்னை பற்றி புகழ்ந்து எழுவதும், கட்சிக்கு தன்னை விட்டால் வேறு ஆள் கிடையாது என்பது போன்று சொல்வதற்கு ஆட்களை நியமித்து தனியாக இயங்குகிறார் உதயநிதி என பல தரப்பிலிருந்தும் கருத்துக்கள் எழுகின்றன.