"மார்வாடிகள் தமிழகத்தை விட்டு வெளியேற வேண்டும்" - வெறுப்பு துண்டுப் பிரசுரங்களை வழங்கும் இஸ்லாமியவாதிகள்!

பா.ஜ.கவை சேர்ந்த கல்யாணராமனுக்கு கொலை மிரட்டல் விடுத்த கையோடு, தமிழகத்தில் இஸ்லாமிய அமைப்புகள் குறிப்பாக மார்வாடி சமூகத்திற்கும், வட இந்தியர்களுக்கும் எதிராக வெறுக்கத்தக்க பிரச்சாரத்தை ஆரம்பித்துள்ளன. 

கல்யாணராமனுக்கு எதிராக ஆர்ப்பாட்டம் என்ற போர்வையில், திருச்சியில் உள்ள மார்வாடி சமூகத்திற்கு எதிராக இஸ்லாமிய அமைப்புகள் வெறுப்பு பிரச்சாரத்தை முன்னெடுத்து வருகின்றன. சில முஸ்லிம்கள் திருச்சியில் சில தெருக்களில் துண்டுப்பிரசுரங்களை விநியோகித்தனர், அங்கு பெரும்பாலான கடைகள் மார்வாடிகளுக்கு சொந்தமானவை. துண்டுப்பிரசுரத்தில் கடைக்காரர்களை  பிப்ரவரி 8 ஆம் தேதி தங்கள் கடைகளை மூடுமாறு கேட்டுக் கொண்டனர். மார்வாடிக்கள் தமிழ்நாட்டை விட்டு வெளியேறி தங்கள் ‘சொந்த இடத்திற்கு’ செல்ல வேண்டும் என்று துண்டுப்பிரசுரம் கூறுகிறது. ‘வகுப்புவாத அமைதியின்மையைத் தூண்ட முயற்சிக்கும்’ பா.ஜ.கவுக்கு மார்வாடிகள் நிதியளிப்பதாக அது குற்றம் சாட்டுகிறது.

இந்துக்கள், முஸ்லிம்கள் மற்றும் கிறிஸ்தவர்கள் தமிழ்நாட்டில்  சகோதர சகோதரிகளைப் போல வாழ்ந்து வருவதாக அது கூறுகிறது, ஆனால் சமூகத்தில் ‘வெறுப்பை பரப்புவதன்’ மூலம் அமைதியின்மையை உருவாக்க பா.ஜ.க முயற்சிக்கிறது எனவும்  இதன் காரணமாக ஏதேனும் வன்முறை ஏற்பட்டால், பொது சொத்துக்கள் அழிக்கப்பட்டால், மார்வாடி சமூகம் பொறுப்பேற்க வேண்டும், அவர்களிடமிருந்து அரசாங்கம் இழப்பீடு வசூலிக்க வேண்டும் என்று அது கூறுகிறது. " வகுப்புவாத வன்முறை, மார்வாடிகளால் தூண்டப்படுகிறது. பா.ஜ.க எனும் வாகனத்தின் எரிபொருள் வழங்கல் நிறுத்தப்பட்டால், வாகனமும் நின்றுவிடும்” என்பது துண்டுப்பிரசுரத்தில் பயன்படுத்தப்பட்ட ஒரு சொற்றொடர். 

மார்வாடிகள் தனது கட்சிக்கு நிதி உதவி வழங்குவார் என்ற நம்பிக்கையுடன் கல்யாணராமன் இஸ்லாத்தின் தீர்க்கதரிசியைப் பற்றி 'மோசமாகப்' பேசினார் என்றும், கல்யாணராமனின் வகுப்புவாத உரையை கண்டித்து முஸ்லிம்களுக்கு ஒற்றுமையுடன் தங்கள் கடைகளை மூடுமாறு கடைக்காரர்களைக் கேட்டுக்கொள்கிறார் என்றும் அது கூறுகிறது. இறுதியில், துண்டுப்பிரசுரம் ஒரு அச்சுறுத்தலை வெளியிடுகிறது. மார்வாடிகள் வியாபாரம் செய்யும் அதே பகுதியில் இந்த துண்டுப்பிரதியை வெட்கமின்றி விநியோகிக்கும் செயல் அந்த சமூகத்தை அதிர்ச்சிக்குள்ளாக்கியுள்ளது.