அதிகாரிகள் மர்மமான முறையில் உயிரிழக்கின்றனர்! வெங்கடாசலம் மரண வழக்கை சி.பி.ஐ.யிடம் ஒப்படைக்க வேண்டும்! - எடப்பாடி பழனிசாமி!
டன்படாத, பணியிட மாறுதல் செய்ய முடியாத நிலையில் உள்ள அதிகாரிகளை ராஜினாமா செய்ய வற்புறுத்தப்படுகின்றனர் என்று செய்திகள் வெளிவந்துள்ளன.
தமிழக சட்டமன்ற எதிர்க்கட்சித் தலைவரும், அதிமுக இணை ஒருங்கணைப்பாளருமான எடப்பாடி பழனிசாமி வெளியிட்டுள்ள அறிக்கையில் கூறியிருப்பதாவது: இந்த திமுக அரசு, எப்படி நிறைவேற்ற முடியாத வாக்குறுதிகளை அளித்து, பின்புற வாசல் வழியாக தமிழ்நாட்டில் ஆட்சியைப் பிடித்ததோ, அதுபோல் அரசியல் ரீதியாக நேர்மையான முறையில் எதிர்க்கட்சிகளை எதிர்க்கத் திராணியின்றி, அதிமுக ஆட்சியில் சுதந்திரமாக செயல்பட்ட காவல்துறையை, குறிப்பாக லஞ்ச ஒழிப்புத்துறையை தவறாகப் பயன்படுத்தி, முன்னாள் அமைச்சர்கள் மீது பொய் புகார் சுமத்தி, அமைச்சர்களுடைய வீடுகள் மட்டுமல்லாமல், அவர்களது உறவினர்கள், நண்பர்கள் என்று குறைந்தது, சுமார் 30 முதல் 40 வீடுகளில் சோதனை மேற்கொண்டு வருகின்றனர்.
நிறைவேற்ற முடியாத வாக்குறுதிகளை அளித்து,
— Edappadi K Palaniswami (@EPSTamilNadu) December 5, 2021
பின்புற வாசல் வழியாக ஆட்சிக்கு வந்த திமுக அரசு காவல்துறை, லஞ்ச ஒழிப்புத் துறையை தவறாக பயன்படுத்தி முன்னாள் அமைச்சர்கள் மீது பொய் புகார் சுமத்தியும்,உடன்படாத அரசு உயர் அதிகாரிகளுக்கு பல்வேறு விதத்தில் தொடர் தொந்தரவுகளை அளித்து வருகிறது(1/3) pic.twitter.com/0SrYEBZfqe
முந்தைய அம்மா அரசு மற்றும் அம்மாவின் அரசு மீது இந்த விடியா அரசு சுமத்தும் அபாண்டமான குற்றச்சாட்டுகளுக்கு சாதகமாக செயல்படாத, உடன்படாத, நேர்மையாக செயல்பட்ட அதிகாரிகளை உடனடியாக பணியிட மாறுதல் செய்யப்பட்டதாகச் செய்திகள் வெளிவந்தன. உடன்படாத, பணியிட மாறுதல் செய்ய முடியாத நிலையில் உள்ள அதிகாரிகளை ராஜினாமா செய்ய வற்புறுத்தப்படுகின்றனர் என்று செய்திகள் வெளிவந்துள்ளன.
வெங்கடாஜலம், இ.வ.ப. அதிகாரி அவர்கள் அம்மாவின் அரசால் தமிழ்நாடு மாசுக் கட்டுப்பாட்டு வாரியத் தலைவராக நியமிக்கப்பட்டு சிறப்பாக செயல்பட்டு வந்தார். அவரது பதவி செப்டம்பர் 2021வரை இருந்தது. மேலும் உச்சநீதிமன்றத்தில் வழங்கப்பட்ட தீர்ப்பின் அடிப்படையில், அவர் மேலும் ஓராண்டு பணி நீட்டிப்பு பெறக்கூடிய வாய்ப்பு இருந்தது.
ஆனால், திரு.வெங்கடாஜலம், இ.வ.ப., அவர்கள் முந்தைய அம்மாவின் அரசு மீது ஜோடிக்கப்பட்ட குற்றச்சாட்டுகளுக்கு ஏற்ப, நீங்கள் வாக்குமூலம் அளிக்க வேண்டும் அல்லது ராஜினாமா செய்யுங்கள் என்று திமுக அரசால் மிரட்டப்பட்டதாக கூறப்பட்டது. இவர் ஒருவர் மட்டுமல்ல, இதுபோல் பல அதிகாரிகள் மிரட்டப்பட்டு வருகின்றனர். உண்மைக்கு மாறாக, முந்தைய அம்மா அரசுக்கு எதிராக செயல்படமாட்டேன் என்று உறுதியாக நின்ற அவரை, ராஜினாமா செய்யுங்கள் என்று இந்த விடியா அரசு கூறியபோது, அவர் ராஜினாமா செய்ய மாட்டேன் என்று தைரியமாக கூறியதாக செய்திகள் தெரிவித்தன.